Sră Ôse 5:1 - Sră Goh 2018

¹ Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Sră Ôse 5:1 ပူးပေါင်းရင်းမြစ်များ

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Sră Ôse 10:15

Ơ Betel, hơ̆ la ală bơta rơp gơlik tus hơ bol mê, tài bơh bơta iơh bơsak bol mê dê la dờng ngan. Tòm tŭ rìng àng bơtau Israel dê rơp kong tơnroh.

Sră Ôse 13:8

Añ rơp brồ hơđang bol khai be dô nơm jơgơu neh roh kòn, Añ rơp crè lề lac ntơh jơm plai nùs bol khai dê. Tềng hơ̆, Añ rơp sa tơrging bol khai be dô nơm klìu triă, kung be dô nơm phan brê crè poac bol khai rpot rpet.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 6:9

Be ală cau ntung kơñau kơp mòc cau lòt gan, ală cau gơnoar ơn phan duh khoai kung dô bơnòr bal behơ̆, bol khai tơnchơt cau tòm gùng lòt hơ Sicem, bol khai gơtơmut tòm tồi glài iơh bơsak gơlềng gơlàng ơlă ơlai.

Sră Ôse 9:8

Cau gơnoar hwơr la cau kơp gàr Yàng Tom Trồ añ jê hơđang Epraim, mơya neh gơlik gơs cau pơt dă tòm jơh ală gùng dà khai dê, mơ la bơta sòdră tòm hìu Yàng Tom Trồ khai dê.

Jôel 1:2

Ơ ală cau dờng cau kra, iat tĕ jơnau do: Ơ jơh làng bol ơm tòm lơgar, ai tồr iat tĕ! Gơs bơta lơi be bơta do neh gơlik gơs tòm rài bol mê dê, hala tòm rài ală ồng pàng bol mê dê sơl?

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Amôs 7:9

Ală tiah jòng jơnhoa Isak dê rơp kòl tơnroh, mơ ală tiah sàng goh Israel dê rơp kòl lòi srau gòi, mơ Añ rơp at đào guh tòmdră mơ hìu Jerôbôam.”

Mice 3:1

Gen Añ đơs lah: “Iat tĕ, ơ ală bol mê la cau gơnoar lam bồ Jakôp dê mơ bol mê la cau gơnoar at bồ hìu Israel dê. Bol mê ò di pal git bơta song ring ò ơ?

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:1

Mơ tŭ do, Ơ ală cau gơnoar ơn phan duh khoai, do la gơnoar sồr bol mê in.

Ală Kwang Cahrña 4:12

Tòm tŭ cau yal Sisera in git lah Barak kòn klau Abinôam neh guh hơđang mơnơm Thabôr,

Ală Kwang Cahrña 4:6

Debôra sồr jà Barak kòn klau Abinôam bơh Kades tòm Neptali, mơ đơs mơ khai lah: “Yàng Jehôwa la Yàng Tom Trồ Israel dê ai jơnau sồr mê lah: ‘Lòt tĕ, cèng bal mơ mê jơt rbô nă cau klau bơh jơi bơtiàn Neptali mơ bơh jơi bơtiàn Jebulun, mơ lam bol khai tus di mơnơm Thabôr.

I Samuel 7:16

Kòp nam khai lòt bơh Betel tus hơ Gilgal mơ Mispa, cahrña Israel tòm jơh ală tiah hơ̆.

I Samuel 7:5

Gen Samuel đơs lah: “Hòi pơjum tĕ jơh Israel tòm Mispa, mơ añ rơp hòi dan mơ Yàng Jehôwa bol mê in.”

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.