Sră Ôse 4:8 - Sră Goh 2018

⁸ Bol khai ròng siam să bơh ală bơta tồi glài làng bol Añ jê, bol khai gơboh bơh bơta iơh bơsak làng bol Añ jê.

Sră Ôse 4:8 ပူးပေါင်းရင်းမြစ်များ

II Ală Bơtau 12:16

Jền priă bơh phan ơn tơwài bơta gơtup tìs, mơ jền priă bơh phan ơn tơwài glài, ò cèng tơmut tòm hìu duh khoai Yàng Jehôwa; gơ gơrê mơ ală cau gơnoar ơn phan duh khoai.

Đơs Crih 24:4

Hơ̆ la cau gơs tê ò lơh tìs glài mơ gơs nùs sàng goh, Ò wèt hwềng soàn he hơ bơta ma blac, Kung ò srat să blac pơrlồm.

Đơs Crih 25:1

Ơ Yàng Jehôwa, hwềng soàn añ jê wèt tơngguh hơ Kơnràñ.

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Ejekiel 14:3

“Ơ kòn mơnus, ală cau do cèng rùp ràk bol khai dê tơmut tòm nùs bol khai, mơ ơn ală phan lơh gơtup tìs iơh rmơh di đap bol khai. Behơ̆ Añ pal lòi să tòm Añ bol khai in hòi lùp jơnau lơi sơl ơ?

Ejekiel 14:7

Dilah gơs cau Israel lơi hala cau làng bơdìh lơi ơm tòm Israel cah is să tòm khai bơh di Añ, cèng rùp ràk tơmut tòm nùs khai dê, mơ ơn dô nơm phan lơh gơtup tìs di đap khai, lồc behơ̆ lòt tus hơ cau gơnoar hwơr nàng hòi lùp Añ, gen Añ, Yàng Jehôwa, să tòm Añ rơp ho wơl khai in.

Sră Ôse 10:13

Mơya bol mê neh lơòr bơta iơh bơsak, bol mê neh toès bơta ò song ring; bol mê neh sa plai bơta blac pơrlồm. Tài bơh bol mê neh kơnòm di bơta pràn bol mê dê, mơ oă ngan mpồl ling jak tòmlơh bol mê dê.

Sră Ôse 12:8

Cau kă bro ngui ală phan kơr ò song; khai kòñ gơboh bơta rồn bơklơn.

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Lebi 6:22

Kòn klau rơp geh bong mơñà nàng tơrbŏ gơnoar broă khai dê rơp rcang phan ơn hơ̆. Hơ̆ la pơnah ơn Yàng Jehôwa in mơ pal chu pơrguc jơh.

Lebi 6:26

Cau gơnoar ơn phan duh khoai ơn phan hơ̆ pal sa gơ; pal sa phan ơn do tòm dô bă tiah sàng goh, tòm ƀlàng jơng gùng Sàl Tòm Mat dê.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’