Sră Ôse 4:2 - Sră Goh 2018

² Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Sră Ôse 4:2 ပူးပေါင်းရင်းမြစ်များ

Sơnròp Gơlik Gơs 4:8

Kain đơs mơ Abel oh khai dê. Mơ tòm tŭ bàr nă bol khai ơm tòm ƀlàng, Kain brồ lơh Abel oh khai mơ tơnchơt khai.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 6:7

Kung be tơrlung dà prap dà mrềt pa be lơi, Gen gơ kung prap ală bơta iơh bơsak pa behơ̆ sơl. Bơta iơh bơsak mơ bơta phà tơnroh geh kơno tòm hơ̆; Kòp jê mơ sồt rmàñ ơm sùm di đap Añ.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 7:23

Rcang tĕ ală che sreng tài bơh lơgar gơs bềng bơta lơh gơtuh mhàm, mơ ƀòn dờng gơs bềng bơta rhung rhang.

Sră Ôse 10:13

Mơya bol mê neh lơòr bơta iơh bơsak, bol mê neh toès bơta ò song ring; bol mê neh sa plai bơta blac pơrlồm. Tài bơh bol mê neh kơnòm di bơta pràn bol mê dê, mơ oă ngan mpồl ling jak tòmlơh bol mê dê.

Sră Ôse 10:4

Bol khai đơs jơnau ò kwơ, bol khai srat să gòi, mơ lơh ală bơta ho bal; gen tàng bơta yă wơn gơhòn lik be ñhơt bih khih tòm sre neh lơòr.

Sră Ôse 12:14

Yàng Jehôwa ngui dô nă cau gơnoar hwơr nàng dong tă Israel klàs bơh Ejiptơ mơ kơnòm di dô nă cau gơnoar hwơr nàng sền gàr bol khai.

Sră Ôse 5:2

mơ la dô nơm trồm neh tò jrô tòm Sittim; mơya Añ rơp lơh glài jơh tơl nă bol khai.

Sră Ôse 6:8

Galaat la ƀòn dờng ală cau lơh bơta iơh bơsak dê, bềng ală tềl mhàm.

Sră Ôse 6:9

Be ală cau ntung kơñau kơp mòc cau lòt gan, ală cau gơnoar ơn phan duh khoai kung dô bơnòr bal behơ̆, bol khai tơnchơt cau tòm gùng lòt hơ Sicem, bol khai gơtơmut tòm tồi glài iơh bơsak gơlềng gơlàng ơlă ơlai.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Sră Ôse 7:3

Bol khai lơh cau bơtau in chò hòp bơh ală bơta iơh bơsak bol khai dê, lơh niam nùs ală kwang dờng bơh bơta pơrlơ̆ dră bol khai dê.

Sră Ôse 7:4

Jơh tơl nă bol khai la cau rềs àr bơrnàn, bol khai kung be dô nơm bơnhă ồs duh hơng, cau buh ƀañ ò càng tơrjik rơnga ồs, bơh di tŭ bơcă kơmbuh jơl tus di tŭ kơmbuh gơprồ.

Mice 3:2

Bol mê gơjrañ kơuềng di bơta niam mơ kòñ gơboh di bơta iơh; bol mê la cau crè gơltau làng bol Añ jê, la cau tah poac bơh di ntìng bol khai dê;

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;

Mice 6:10

Mbe Añ rgơi hŭi đam jàr iơh bơsak tòm hìu cau iơh bơsak, mơ phan kơr sơnoa ò tòm toh pal srat sơntơm sơl ơ?

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Sôphôni 3:1

Bòl glar ngan ƀòn gơkòl lơh ƀơ̆ ƀơl in! Ƀòn dờng jak rồn bơklơn!

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Yal Wơl 5:11

Bol mê ò di ngui khat gơboh sơnđan Jehôwa Yàng Tom Trồ bol mê dê, bơh Yàng Jehôwa rơp ò lòi cau lơi ngui tìs sơnđan Kơnràñ dê la cau ò gơs glài.

Yal Wơl 5:18

Bol mê bañ tìs glài rềs àr bơrnàn.

Yal Wơl 5:19

Bol mê bañ ntung kơñau.

I Tesalônika 2:15

Cau Juda la cau neh tơnchơt Yàng Jesu bal mơ ală cau gơnoar hwơr, ting bơtrơh bol hi, ò niam nùs Yàng Tom Trồ mơ sòdră di jơh ală cau.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.