Sră Ôse 4:16 - Sră Goh 2018

¹⁶ Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Sră Ôse 4:16 ပူးပေါင်းရင်းမြစ်များ

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Esai 22:18

Kơnràñ rơp pồt mê kơ̆ ngan kung be pồt dô nơm plai coh, mơ sang sơrbì hơ dô nơm lơgar ơnàng. Tềng hơ̆ mê rơp chơt, tềng hơ̆ ală rơndeh lòs tòmlơh hàng mơnĕ mê dê rơp ơm bic tềng hơ̆, mê neh lơh ƀàssìl di cau tòm at bồ hìu mê dê!

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 5:17

Gen ală belàt rơp sa ñhơt kung be tòm ƀlàng ñhơt tòm gơ dê, ală phan poan jơng lơmă mơ belàt kòn rơp sa digùl ală tiah tơrlah tơrling dê.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 3:11

Gen Yàng Jehôwa đơs mơ añ lah: “Israel ò dòn song gam song ring rlau mơ Juda ma blac.

Jeremi 3:6

Tòm rài bơtau Jôsia, Yàng Jehôwa đơs mơ añ lah: “Mê neh gŏ bơta ò dòn song cau Israel dê neh lơh, mbe khai neh guh hơđang kòp nơm dòr jơnhoa, mơ hơđơm kòp nơm chi tơlir, mơ lơh bơta rềs àr bơrnàn tềng hơ̆ sơl?

Jeremi 3:8

Khai neh gŏ lah jơh ală cau Israel neh tìs glài rềs àr bơrnàn bơh ò dòn song, Añ neh sang lòi khai mơ neh lơh sră tòmlòi bau, mơya oh ùr rềs àr bơrnàn khai dê la Juda ò duh rngòt, mơya khai kư̆ sơlo lòt lơh dri tơlàr.

Jeremi 31:18

Ngan, Añ neh kơno Epraim ñìm rac: ‘Kơnràñ lơh glài tơmàl añ, añ kong bơta lơh glài; Kung be dô nơm kơnrồ dam òhềt tui yô. Cèng brê tĕ añ, lòi añ in rê wơl, Bơh Kơnràñ la Jehôwa Yàng Tom Trồ añ jê!

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Sră Ôse 10:11

Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.