Sră Ôse 4:11 - Sră Goh 2018

¹¹ Mơ ơn să tòm bol khai tòm bơta rềs àr mơ tòm bơta ñô sa bơñul lơmbè la ală bơta tơnroh bơta git wă làng bol Añ jê.

Sră Ôse 4:11 ပူးပေါင်းရင်းမြစ်များ

Jơnau Pơnđik 20:1

Alak tơrnòm lơh cau in dơñŏ tơnhial, phan ñô bơñul lơh cau in đơs tràl sơrbil; dilah cau lơi ngui gơ oă ir, ò di la jak chài.

Jơnau Pơnđik 31:4

Ơ Lemuel, ò di pal ală cau bơtau in, ò di pal ală cau bơtau in ñô alak tơrnòm, hala ală cau kwang at bồ kòñ phan ñô bơñul;

Jơnau Pơnđik 6:32

Cau lơi tìs glài rềs àr bơrnàn mơ dô nă cau ùr, ngan la dô nă cau neh roh dơngoh, Cau lơi lơh behơ̆, tơnroh să tòm he.

Cau Bơto 7:7

Ngan, bơta rồn bơklơn lơh cau jak chài gơlik bơrngơl, mơ phan sa loă lơh roh rui nùs in.

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Jeremi 23:13

“Tòm ală cau gơnoar hwơr Samari dê, Añ neh gŏ dô bơta ngkòr ngkàc; Bol khai ai sơnđan Baal mơ đơs hwơr, Lơh làng bol Israel Añ tìs nrah.

Sră Ôse 4:12

Bol khai hòi lùp mơ dô gơl chi, gen geh ho wơl bơh dô nơm gai gơ dê. Nùs nhơm rềs àr lam bol khai lòt tìs nrah, mơ bol khai ò dòn song mơ Yàng Tom Trồ bol khai dê.

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Lebi 10:9

“Mê mơ ală kòn klau mê dê bañ ñô tơrnòm hala phan ñô lơi ndai gơs kañ tŭ lơi mut tòm Sàl Tòm Mat, rngòt bol mê rơp chơt. Hơ̆ la dô jơnau sồr gam sùm sùm bơh rài do tus hơ rài ne.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

I Samuel 25:36

Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.