Sră Ôse 4:10 - Sră Goh 2018

¹⁰ Bol khai rơp sa mơya ò hòm, bol khai lơh dri tơlàr mơya ò tơnggơs bơtơl, tài bơh bol khai neh sang lòi Yàng Jehôwa, ting jat ală yàng ndai.

Sră Ôse 4:10 ပူးပေါင်းရင်းမြစ်များ

II Yal Yau 24:17

Tơnơ̆ mơ tŭ Jehôyada neh chơt, ală cau kwang duh broă tòm Juda lòt tus yal tơlik bơta dòn duh di cau bơtau, mơ bơtau wèt tồr iat bol khai,

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Jơnau Pơnđik 13:25

Cau song ring geh sa hòm tơl phan bơkah; Ai klung cau iơh ơm jơgloh.

Jeremi 34:15

Ai ală bol mê, pa do neh rê wơl mơ lơh bơta niam nùs Añ, kòp nă yal cau gơp ƀòn he geh khat gơboh; mơ neh bơt bơtào bơta ho bal di đap Añ, hơ̆ la tòm hìu geh sơnđan bơh sơnđan Añ.

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Ejekiel 18:24

Mơya dilah dô nă cau song ring pơrlac wơl bơh di bơta song ring khai dê mơ tìs glài, mơ lơh ală bơta cù kìr ndròm bal be cau iơh bơsak lơh gen khai rơp geh kis sơl? Ò gơs dô nơm broă song ring lơi khai neh lơh rơp geh kah wơl. Tài bơh bơta ò dòn song gen khai kong lơh nền glài, mơ tài bơh tồi glài khai neh tìs gen khai rơp chơt.’

Ejekiel 22:9

Digùl ai gơs ală cau lơh cơng blac lơh gơtuh mhàm; digùl ai gơs ală cau ñô sa tòm ală hìu bơmồng hơđang mơnơm mơ tìs glài rềs àr.

Sră Ôse 4:14

Añ rơp ò lơh glài ală kòn ùr bol mê dê tòm tŭ bol khai lơh bơta dri tơlàr, mơ kung ò lơh glài ƀan bol mê dê tòm tŭ bol khai lơh bơta rềs àr bơrnàn; tài bơh ală cau klau bol khai lòt rê mơ ală ùr dri, mơ ơn phan ơn pơdơng bal tòm tiah duh khoai ală cau dri tơlàr dê. Dô nơm làng bol ò git wă behơ̆ rơp gơkòl roh rui.

Sră Ôse 7:4

Jơh tơl nă bol khai la cau rềs àr bơrnàn, bol khai kung be dô nơm bơnhă ồs duh hơng, cau buh ƀañ ò càng tơrjik rơnga ồs, bơh di tŭ bơcă kơmbuh jơl tus di tŭ kơmbuh gơprồ.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Mice 6:14

Mê rơp sa mơya ò geh hòm; klung mê dê rơp gam jơgloh tòm să mê. Mê rơp prap lòi phan mơna mơya ò geh klàs, bơh phan lơi mê prap lòi gen Añ rơp jào gơ đào in.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’