Sră Ôse 4:1 - Sră Goh 2018

¹ Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 4:1 ပူးပေါင်းရင်းမြစ်များ

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

Đơs Crih 81:9

Digùl bol mê bañ gơs yàng krơi lơi, Mê bañ cùn khoai yàng cau bơdìh dê.

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 28:14

Gen tàng, iat tĕ jơnau đơs Yàng Jehôwa dê, ơ bol mê la ală cau jak bơrsèl tơnhial, la cau at bồ làng bol do tòm Jerusalem.

Esai 34:1

Ơ ală lơgar, tus rềp tĕ mơ ơm iat; ơ ală làng bol, ơn tĕ tồr iat; Plai ù mơ jơh ală phan tòm gơ, dunnia mơ jơh ală phan geh tơnggơs bơh gơ, iat tĕ!

Esai 34:8

Bơh Yàng Jehôwa neh gơs dô ngai nàng sal tê, gơs dô nam nàng lơh cơng bơh bơta gơrềng tus di Siôn.

Esai 5:3

“Tŭ do, ơ cau ơm tòm Jerusalem mơ làng bol Juda, cahrña tĕ digùl Añ mơ suơn ño Añ jê.

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Esai 59:8

Bol khai ò git gùng lơngap lơngai, ò gơs bơta song ring tòm ală gùng lòt bol khai dê. Bol khai neh lơh ală gùng bol khai dê gơlik gơs ală gùng rkwet rkwe; Ò gơs cau lơi lòt tòm ală gùng hơ̆ rơp git bơta lơngap lơngai.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 19:3

Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;

Jeremi 2:4

Ơ hìu Jakôp, bal mơ jơh ală hìu nhă Israel dê, iat tĕ jơnau Yàng Jehôwa!

Jeremi 2:9

Yàng Jehôwa đơs lah: “Gen tàng dô dơ̆ tai Añ lơh nền glài bol mê, mơ Añ lơh nền glài kòn sau set se bol mê dê.

Jeremi 25:31

Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Jeremi 34:4

Bulah behơ̆, ơ Jedekia, bơtau Juda, iat tĕ jơnau Yàng Jehôwa! Bơh mê, Yàng Jehôwa đơs be do: ‘Mê rơp ò chơt bơh đào ò.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 5:4

Gen añ đơs: “Ală cau do mìng la cau rƀah, Bol khai ò gơs bơta git wă; Bơh bol khai ò git gùng dà Yàng Jehôwa dê, Bơta boh lam Yàng Tom Trồ bol khai dê.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 7:28

Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Jeremi 9:20

Ơ ală cau ùr, iat tĕ jơnau Yàng Jehôwa, Lòi tĕ tồr bol ai dòp jơnau bơr Kơnràñ đơs. Bơto tĕ ală kòn ùr bol ai in dô bơta ñìm rac; Kòp nă bơto tĕ cau gơp ƀòn he rac ròc!

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Jeremi 9:7

Gen tàng Yàng Jehôwa Gơnap Gơnoar đơs be do: “Añ rơp tiar mơ lòng bol khai; Ñchi Añ pal lơh tai gơwèt mơ tồi glài làng bol Añ jê taih?

Ejekiel 16:35

Behơ̆ gen, ơ cau ùr dri tơlàr, iat tĕ jơnau Yàng Jehôwa dê.’

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 12:3

Yàng Jehôwa lơh nền glài tòmdră mơ Juda, Kơnràñ rơp lơh glài Jakôp jat ală gùng dà khai dê, mơ tơm wơl khai in jat ală broă lơh khai dê.

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Jôel 1:2

Ơ ală cau dờng cau kra, iat tĕ jơnau do: Ơ jơh làng bol ơm tòm lơgar, ai tồr iat tĕ! Gơs bơta lơi be bơta do neh gơlik gơs tòm rài bol mê dê, hala tòm rài ală ồng pàng bol mê dê sơl?

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Amôs 7:16

Gen tàng tŭ do, dan iat tĕ jơnau Yàng Jehôwa dê: Mê đơs lah: ‘Bañ đơs hwơr tòmdră mơ Israel, mơ bañ ai jơnau bơto tòmdră mơ hìu Isak.’

Mice 6:2

Ơ ală mơnơm, iat tĕ jơnau tòm pơndang Yàng Jehôwa dê; Iat tĕ, ơ ală mơnàng gam sùm sùm plai ù dê, Bơh Yàng Jehôwa tòm pơndang mơ làng bol Kơnràñ dê, Kơnràñ rơp tòmdră mơ Israel.

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

Yal Tơlik 2:11

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, gen rơp ò kong bơta jê sồt tòm bơta chơt dơ̆ bàr.’”

Yal Tơlik 2:29

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh.’”