Sră Ôse 3:5 - Sră Goh 2018

⁵ Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sră Ôse 3:5 ပူးပေါင်းရင်းမြစ်များ

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

Esai 17:7

“Tòm ngai hơ̆, cau rơp rmê sền di Bơtau Crơng Gơs he, mơ wèt mat tơnggòr di Bơtau Sàng Goh Israel dê.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Esai 60:5

Gen mê rơp sền gŏ mơ gơs muh mat àng lơr, nùs mê rơp rơm ngòt mơ bơta hòn chò; tài bơh bơta tơngkah tơngkañ ală dàlềng dê rơp geh cèng tus hơ mê, bơta pas gơs ală lơgar dê rơp tus hơ mê.

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Jeremi 33:17

Mơ tai, Yàng Jehôwa đơs be do: ‘Dabit rơp ò siơ̆u dô nă cau klau nàng nggui hơđang sơbàn hìu Israel;

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Ejekiel 16:63

Gen tòm tŭ Añ lơh bơta tơwài glài ai in bơh jơh ală bơta ai neh lơh, ai rơp kah wơl mơ ƀàssìl, mơ ai ò gam pò bơr tai tài bơh bơta ƀàssìl ƀàsso ai dê,” Jehôwa Yàng Tom Trồ đơs behơ̆.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.

Khà Làng Bol 24:14

Tŭ do añ rê wơl hơ làng bol añ jê mơya tus tĕ, lòi añ yal lài bơtau in bơh bơta làng bol do rơp lơh di làng bol bơtau dê tòm ală ngai rơp tus.”

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Yal Wơl 4:30

Tòm tŭ bol mê gơs bơta bòl glar kalke mơ jơh ală bơta do gơlik gơs di bol mê, gen tòm ală ngai lồi dut bol mê rơp rê wơl hơ Jehôwa Yàng Tom Trồ bol mê dê mơ dòn bơr Kơnràñ.