Sră Ôse 3:1 - Sră Goh 2018

¹ Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Sră Ôse 3:1 ပူးပေါင်းရင်းမြစ်များ

II Samuel 6:19

Lồc behơ̆ khai tòmpà phan sa jơh mpồl làng bol Israel in, cau klau mơ cau ùr, kòp nă dô nơm piang lă, dô pơnai poac, dô nơm ƀañ plai gòl, mơ dô nơm ƀañ plai ño. Mơ jơh tơl nă rê wơl hơ hìu bol khai dê.

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

I Yal Yau 16:3

Gen khai ai kòp nă cau klau mơ cau ùr Israel in dô nơm piang lă, mơ dô pet poac, mơ dô nơm ƀañ plai ño.

Nehemi 9:31

Mơya tài bơh nùs nđàc sơngit dờng ngan Kơnràñ dê gen Kơnràñ neh ò tơnroh bol khai, kung ò sang bol khai sơl; tài bơh Kơnràñ la Yàng Tom Trồ kòñ nđàc mơ nđàc sơngit.

Đơs Crih 123:2

Ngan, be mat cau duh broă sền di tê cau tòm khai dê, be mat cau ùr dong broă sền di tê cau ùr tòm khai dê be lơi, Gen mat bol hi sền di Jehôwa la Yàng Tom Trồ bol hi dê behơ̆ sơl, Jơl tus di tŭ Kơnràñ kòñ nđàc di bol hi.

Lik Ejiptơ 32:6

Behơ̆ tòm ngai tơnơ̆ làng bol guh gòñ, ơn ală phan ơn chu pơrguc mơ ơn ală phan ơn ring lơngai. Tơnơ̆ mơ hơ̆ bol khai nggui mơ ñô sa, lồc behơ̆ ñă ntào nàng kơnhơl gơlềng gơlàng.

Đơs Chò 2:5

Yò đo añ mơ ƀañ plai ño; bơtơl pràn añ in mơ ală plai chi; bơh añ kòp jê bơta kòñ gơboh.

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Jeremi 3:20

Mơya, ơ cau Israel, Ngan kung be dô nă cau ùr ò dòn song sang lòi bau klau be lơi, Gen bol mê kung ò dòn song mơ Añ behơ̆ sơl.’” Yàng Jehôwa đơs behơ̆.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 4:11

Mơ ơn să tòm bol khai tòm bơta rềs àr mơ tòm bơta ñô sa bơñul lơmbè la ală bơta tơnroh bơta git wă làng bol Añ jê.

Sră Ôse 7:5

Tòm ngai hòn chò bơtau bol he dê, ală cau kwang gơlik kòp jê tài bơh bơta duh tơrnòm dê, bơtau at tê bal mơ ală cau dơñŏ tơnhial.

Amôs 2:8

Bol khai bic di gah kòp nơm cơnòng duh khoai, hơđang ală ồi ào neh ai lơh gơs phan ai bồ. Tòm hìu ală yàng bol khai dê bol khai ñô alak ală cau kup lơh glài.

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Sacari 1:16

Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆.

Mathiơ 26:50

Gen Yàng Jesu đơs mơ khai lah: “Ơ bơyô, ñchi bơta mê kòñ lơh gen lơh tĕ?” Gen bol khai tus ai tê sơmbat kup Yàng Jesu.

I Kôrintô 10:21

Ală oh mi ò rgơi hùc mơngàn Yàng dê, mơ kung hùc mơngàn ală cà dê; oh mi ò rgơi sa phan Yàng dê, mơ kung sa phan ală cà dê.

I Kôrintô 10:7

Kung bañ duh khoai rùp ràk be cau ƀà tòm bol khai neh duh khoai; be neh cih lah: “Làng bol nggui sa ñô, gen ntào mơ kơnhơl tòmya, dri tơlàr.”

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.

Ală Kwang Cahrña 9:27

Bol khai lik lòt tòm suơn nàng pic plai ño, pat plai ño tòm suơn ño bol khai dê, mơ lơh dô bơta ñô sa. Bol khai mut tòm hìu yàng bol khai dê, sa mơ ñô mơ bơrsèl tơnhial di Abimelek.