Sră Ôse 2:5 - Sră Goh 2018

⁵ Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 2:5 ပူးပေါင်းရင်းမြစ်များ

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 13:22

Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Ejekiel 16:35

Behơ̆ gen, ơ cau ùr dri tơlàr, iat tĕ jơnau Yàng Jehôwa dê.’

Ejekiel 16:39

Gen Añ rơp phi ai tòm tê ală cau ai kòñ gơboh, bol khai rơp sòr tơrlah ală tiah jơnhoa mơ tơnroh ală hìu bơmồng jơnhoa ai dê. Bol khai rơp hồ ồi ào ai dê, tă ai ală phan bơka să hàng mơnĕ ai dê, mơ sang lòi ai ơm kuh lòi rồ.

Ejekiel 16:4

Kung be tòm ngai ai geh deh, tòm ngai ai pa deh, che klŏ ai òhềt koh, Añ òhềt tơnum ai tòm dà nàng geh rào goh, òhềt tho ai mơ boh hala pùt ai tòm ồi.

Sră Ôse 1:2

Tŭ Yàng Jehôwa sơntòm đơs mơ Ôse gen Kơnràñ sồr khai lah: “Lòt tĕ bau mơ dô nă cau ùr dri tơlàr, mơ deh kòn rềs àr bơrnàn, tài bơh ƀòn lơgar do neh sang lòi Yàng Jehôwa mơ tìs glài rềs àr bơrnàn.”

Sră Ôse 2:2

Tòmyă tĕ mơ mè bol mê dê, yă tĕ khai, bơh khai ò di la bau ùr Añ, mơ Añ ò di la bau klau khai. Lòi khai sang lòi bơta dri tơlàr bơh di muh mat khai, mơ bơta rềs àr bơh di ntơh khai dê.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Sră Ôse 4:5

Mê rơp gơtup pừ tòm trồ ngai, mơ ală cau gơnoar hwơr kung gơtup pừ bal mơ mê tòm trồ mang sơl. Behơ̆ Añ rơp tơnroh mè mê dê.

Sră Ôse 8:9

Bơh bol khai neh lòt tus hơ Asiri, kung be dô nơm alàng brê lòt is gơlềng gơlàng. Epraim neh tòmpơyòm mơ ală cau khai kòñ gơboh.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Amôs 8:13

Tòm ngai hơ̆, ală cau ơruh hàng mơnĕ mơ ală cau pơnu pràn kơldang rơp siar roh tài bơh tơhìr.

Ală Kwang Cahrña 16:23

Tŭ do ală cau kwang at bồ Philistin pơjum bal nàng ơn dô nơm phan ơn duh khoai dờng yàng Dagôn bol khai in, nàng lơh chò hòp bal, bơh bol khai đơs lah: “Yàng bol he dê neh jào Samsôn cau sò tơm bol he dê tòm tê bol he.”