Sră Ôse 2:23 - Sră Goh 2018

²³ Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Sră Ôse 2:23 ပူးပေါင်းရင်းမြစ်များ

Đơs Crih 118:28

Yàng la Yàng Tom Trồ añ jê, añ rơp ưnngài Yàng; Yàng la Yàng Tom Trồ añ jê, añ rơp yò tơngguh Yàng hơđang.

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Đơs Crih 68:31

Lòi ală phan mơ kòng geh cèng bơh Ejiptơ; Lòi lơgar Ethiôpi sơrbac sơrbang pò tê hơ Yàng Tom Trồ.

Đơs Crih 72:16

Dan ai kòi mbo geh tơngkah tơngkañ tòm lơgar tus di hơđang ală bồ mơnơm, Gơs plai đo oă be Liban; Dan lòi cau ơm tòm ală ƀòn dờng gơlik gơs oă be ñhơt tòm ƀlàng.

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Esai 44:5

Cau do rơp đơs lah: ‘Añ gơrê bal mơ Yàng Jehôwa,’ cau ne rơp tơmoh să tòm he bơh sơnđan Jakôp; cau ndai tai rơp cih hơđang tê he lah: ‘Añ gơrê bal mơ Yàng Jehôwa,’ mơ rơp tơmoh bơh sơnđan Israel.”

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 31:27

Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Ejekiel 36:29

Añ rơp dong tă bol mê klàs bơh di ală bơta ƀơ̆ iơh bol mê dê. Añ rơp ai kòi mbo mơ lơh gơ in gơlik gơs oă, mơ rơp ò tơndùh bơta jơgloh rung hơđang bol mê.

Sră Ôse 1:6

Gômer bun tai mơ deh dô nă kòn ùr. Yàng Jehôwa đơs mơ Ôse lah: “Tơmoh tĕ sơnđan khai la Lôruhamah, tài bơh Añ rơp ò yal tơlik bơta kòñ gơboh dê làng bol Israel tai, mơ kung ò tai toh glài bol khai in!

Sră Ôse 8:2

Israel hòi dan mơ Añ lah: “Khoai Yàng Tom Trồ añ jê, bol hi la cau Israel, bol hi git Kơnràñ!”

Sacari 10:9

Bulah Añ neh rsìh bol khai digùl ală làng bol, mơya tòm ală lơgar ngài bol khai rơp kah wơl Añ. Bol khai cèng bal kòn sau bol khai dê mơ rê wơl.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Sacari 14:16

Gen ală cau gam kis bơh tòm ală lơgar neh brồ lơh Jerusalem rơp guh tus tềng hơ̆ kòp sơnam nàng duh khoai Bơtau la Yàng Jehôwa Gơnap Gơnoar Dờng Làm Jơh, mơ pơjum sa ngai wèr Sàl ing.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Rôma 3:29

Hala Yàng Tom Trồ mìng la Yàng Tom Trồ làng bol Juda dê lơm ơ? Kung ò di la Yàng Tom Trồ làng bol bơdìh dê sơl ò ơ? Ơi, ngan behơ̆.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.