Sră Ôse 2:21 - Sră Goh 2018

²¹ Yàng Jehôwa đơs: “Tòm ngai hơ̆, Añ rơp ho wơl, Añ rơp ho wơl mơ ală tap trồ, mơ ală tap trồ rơp ho wơl mơ ù tiah.

Sră Ôse 2:21 ပူးပေါင်းရင်းမြစ်များ

Esai 55:10

Kung be mìu mơ piar dùh bơh trồ mơ ò rê wơl hơđang hơ̆ tai jơl tus di tŭ neh lơh sùh ù tiah mơ lơh gơcat sơmbut mơ gơlik plai đo, nàng ai gar sơntìl cau sih in mơ piang lă cau in sa,

Esai 62:4

Cau rơp ò tai sơnđan ai la Cau kong sang lòi, mơ ù tiah ai dê ò gam lòi srau gòi tai. Mơya ai rơp geh sơnđan la cau Añ kòñ gơboh, mơ ù tiah ai dê la cau gơs bau klau; bơh Yàng Jehôwa rơp kòñ gơboh di ai, mơ ù tiah ai dê rơp geh bau.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Ejekiel 36:29

Añ rơp dong tă bol mê klàs bơh di ală bơta ƀơ̆ iơh bol mê dê. Añ rơp ai kòi mbo mơ lơh gơ in gơlik gơs oă, mơ rơp ò tơndùh bơta jơgloh rung hơđang bol mê.

Sră Ôse 14:7

Bol khai rơp rê wơl mơ ơm tòm tiah mƀur Añ jê; Khai rơp gơlik cồng nha kung be dô nơm suơn. Khai rơp gơlik bơkào kung be tòm ño, mơ bơta ƀô bơlhu bol khai dê rơp kung be tơrnòm ño Liban dê.

Jôel 2:19

Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?