Sră Ôse 2:17 - Sră Goh 2018

¹⁷ Bơh Añ rơp tă tơlik ală sơnđan Baal bơh di bơr khai, ò gơs cau lơi hòi di ală sơnđan bol gơ dê tai.

Sră Ôse 2:17 ပူးပေါင်းရင်းမြစ်များ

Đơs Crih 16:4

Bơta moat jrùng ală cau ơn phan duh khoai ală yàng ndai in rơp gơbơtơl oă tai; Añ rơp ò tuh rsìh mhàm ơn pơdơng bol khai dê, Kung ò yal sơnđan bol khai di sơndồi añ ò.

Lik Ejiptơ 15:1

Gen Môise mơ cau Israel đơs chò bơta đơs chò do Yàng Jehôwa in: “Añ rơp đơs chò Yàng Jehôwa in, bơh Kơnràñ geh bơta gơklŏ pha lin rlau. Kơnràñ neh sơrbì tòm dàlềng ơseh mơ cau hào ơseh.

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Jôsue 23:7

Bañ tòmbơcă bal mơ ală làng bol gam wơl ơm digùl bol mê, bañ kơlôi tus di ală yàng bol khai dê hala ai sơnđan ală yàng hơ̆ mơ srat să tòmho. Bol mê bañ duh broă bol gơ hala cùn khoai di đap bol gơ;

Jôsue 7:26

Mơ rơndap lŭ dô gơnru dờng hơđang ƀồc Akan, gam tus ngai do. Gen Yàng Jehôwa rài bơta gơjrañ duh hơng Kơnràñ dê. Gen tàng, tiah hơ̆ geh sơnđan la thòng Akôr jơl tus di ngai do.