Sră Ôse 2:16 - Sră Goh 2018

¹⁶ Yàng Jehôwa đơs lah: “Tòm ngai hơ̆, ai rơp hòi Añ la ‘bau klau añ jê’, mơ ai rơp ò tai hòi Añ la ‘cau tòm añ jê.’

Sră Ôse 2:16 ပူးပေါင်းရင်းမြစ်များ

Sơnròp Gơlik Gơs 34:3

Nùs nhơm khai gơđềt mơ Dina, kòn ơruh Jakôp; khai kòñ gơboh di cau ơruh hơ̆, mơ ai jơnau niam đơs mơ khai.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Ejekiel 20:35

Añ rơp cèng bol mê tus tòm ƀlàng ngềt ngơt ală làng bol dê, tềng hơ̆, Añ rơp cahrña bol mê mat tòm toh mơ mat.

Sră Ôse 2:7

Khai rơp ting jat ală cau klau khai tòmtir, ting mơya ò bàn: khai rơp jòi jat bol khai, mơ jòi ò gŏ. Gen khai rơp đơs lah: ‘Añ rơp rê wơl hơ bau klau sơnròp añ jê, bơh tŭ hơ̆ añ geh lơngai lơngò rlau mơ tŭ do.’

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.

Ală Kwang Cahrña 19:3

gen bau klau khai lòt jòi khai, ai jơnau lơbơn niam nàng lam khai rê wơl. Khai cèng bal mơ khai dô nă cau duh broă mơ bàr nơm alàng. Tòm tŭ khai tus di hìu bèp cau ùr dê, tòm tŭ bèp cau ùr hơ̆ gŏ khai gen chò hòp mơ wă rò khai.

Rutơ 2:13

Gen Rutơ đơs lah: “Dan añ in pơnjat sùm geh bơta nđàc di đap ồng, bơh ồng neh pơndòm pơniang añ mơ đơs jơnau lơbơn niam mơ añ la cau dĭ ùr ồng dê, bulah añ ò di la dô nă tòm ală cau dĭ ùr ồng dê.”