Sră Ôse 2:13 - Sră Goh 2018

¹³ Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Sră Ôse 2:13 ပူးပေါင်းရင်းမြစ်များ

II Ală Bơtau 1:2

Acasia dùh bơh di pơnggàr rơng ơdŭ hơđang khai dê tòm Samari, mơ ơm bic tài bơh bơta jê sồt hơ̆. Behơ̆ khai sồr cau kong sồr lòt, mơ nting lah: “Lòt tĕ lùp Baaljebup, yàng cau Ekrôn dê, nàng git añ rơp bòi bơta kòp jê do sơl hala ò?”

II Ală Bơtau 10:28

Behơ̆, Jehu pơs goh Baal bơh di Israel.

II Ală Bơtau 21:3

Bơh khai bơt bơtào wơl ală tiah jơnhoa mơ Ejekia bèp khai neh phà tơrlah, bơtào wơl cơnòng duh khoai Baal, bơtào rùp ràk Asera tòm toh be Ahap bơtau Israel neh lơh, duh khoai ală sơmañ hơđang trồ mơ duh broă gơ.

Sră Jop 8:13

Hơ̆ la gùng dà ală cau hŭi Yàng Tom Trồ; Bơta kơp kòñ cau ò dòn duh dê rơp roh rui.

Đơs Crih 106:13

Mơya bol khai mhar ngan hŭi ală broă Kơnràñ dê, Ò kơp gơn bơta lơh nền Kơnràñ dê gơwèt mơ bol khai.

Đơs Crih 106:21

Bol khai hŭi Yàng Tom Trồ la Bơtau dong klàs bol khai dê, La Bơtau neh lơh ală broă dờng tòm Ejiptơ,

Đơs Crih 78:11

Bol khai hŭi ală broă Kơnràñ lơh, Mơ ală bơta crih crài Kơnràñ neh ràng tơlik bol khai in gŏ.

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 23:2

Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Ñìm Rac 5:14

Ală cau dờng cau kra ò gam nggui di mpồng ƀòn, Mpồl pơnu ò gam lơh kơñi đơs chò.

Ejekiel 16:12

Añ ơn dô nơm sơmbiat di muh ai, blo bơno di tồr ai, mơ tơndau dô nơm sơgơn hàng mơnĕ hơđang bồ ai.

Ejekiel 16:17

Ai kung neh ngui ală phan bơka să hàng mơnĕ mơ Añ neh ai ai in, la ală phan bơka să lơh mơ màh mơ priă Añ jê, nàng lơh gơs ai in ală rùp ràk cau klau mơ lơh bơta dri tơlàr mơ bol khai.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

Sră Ôse 11:2

Añ sơlo hòi bol khai, gen sơlo bol khai lòt ngài bơh Añ. Bol khai neh ơn phan duh khoai ală Baal in, mơ chu kơlhô ală rùp ràk in.

Sră Ôse 13:1

Tòm tŭ Epraim đơs, cau rơm să rngòt; khai neh geh yò tơngguh tòm Israel. Mơya khai neh tìs glài duh khoai Baal mơ kong chơt.

Sră Ôse 13:6

Tòm tŭ Añ ròng siam bol khai, gen bol khai geh hừh nùs, bol khai geh hừh nùs, gen nùs bol khai gơlik pơnhừ să, gen tàng bol khai neh hŭi Añ.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 2:7

Khai rơp ting jat ală cau klau khai tòmtir, ting mơya ò bàn: khai rơp jòi jat bol khai, mơ jòi ò gŏ. Gen khai rơp đơs lah: ‘Añ rơp rê wơl hơ bau klau sơnròp añ jê, bơh tŭ hơ̆ añ geh lơngai lơngò rlau mơ tŭ do.’

Sră Ôse 4:13

Bol khai ơn phan duh khoai hơđang bồ mơnơm; chu kơlhô hơđang ală dòr, hơđơm tòm cha, hơđơm chi pơnggŏ, chi nho rề, tài bơh mƀur gơ la niam ngan. Behơ̆ tàng kòn ùr bol mê dê lơh gơs ùr dri, mơ ƀan bol mê tìs glài rềs àr bơrnàn.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Sră Ôse 8:14

Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Yal Wơl 32:18

Bol mê ò ơn nùs kơlôi di Pơnai Lŭ neh tơnggơs bol mê; bol mê neh hŭi Yàng Tom Trồ la Bơtau neh deh bol mê.

Yal Wơl 6:12

gen bol mê kơrhia tĕ nàng ò lòi hŭi Yàng Jehôwa la Bơtau neh tă tơlik bol mê bơh di Ejiptơ, bơh di lơgar ơm dĭ.

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.

Ală Kwang Cahrña 3:7

Làng bol Israel lơh bơta iơh bơsak di đap Yàng Jehôwa, hŭi Jehôwa Yàng Tom Trồ bol khai dê, mơ duh khoai ală yàng Baal mơ yàng Asera.

I Samuel 12:9

Mơya bol khai neh hŭi Jehôwa Yàng Tom Trồ bol khai dê, gen Kơnràñ neh tac bol khai tòm tê Sisera la kwang at bồ mpồl ling bơtau Jabin dê tòm Hajor, mơ tòm tê cau Philistin, mơ tòm tê bơtau Môap mơ bol hơ̆ neh tòmlơh mơ bol khai.