Sră Ôse 2:11 - Sră Goh 2018

¹¹ Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Sră Ôse 2:11 ပူးပေါင်းရင်းမြစ်များ

I Ală Bơtau 12:32

Khai kung bơtào dô bơta pơjum sa tòm ngai jơt pram kơnhai phàm, be ngai wèr cau òs pơjum tòm lơgar Juda, mơ khai ơn ală phan ơn pơdơng hơđang cơnòng duh khoai. Khai kung lơh behơ̆ tòm Betel, ơn phan ơn duh khoai bàr nơm kơnrồ kòn mơ khai neh lơh gơs; khai kung lòi tòm Betel ală cau ơn phan duh khoai ală tiah jơnhoa mơ khai neh bơt.

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 25:10

Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Lebi 26:20

Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Amôs 8:5

mơ bol mê đơs lah: “Tŭ lơi kơnhai dùl lik rơp rlau, gen sồng bol hi rgơi tac kòi dơngòi; mơ ngai Saƀat rơp rlau, gen sồng bol hi rgơi ơn kòi mi nàng tac ơ? Bol he rơp lơh epha dềt mơ sieklơ dờng, mơ ngui phan kơr ma blac nàng sa kơrlơm,

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.