Sră Ôse 14:9 - Sră Goh 2018

⁹ Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sră Ôse 14:9 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 17:9

Bulah behơ̆, cau song ring rơp ntào kơ̆ tòm ală gùng dà khai dê, Mơ ală cau gơs tê sàng goh rơp sơlo ngai sơlo pràn rlau.

Đơs Crih 107:43

Cau lơi jak chài gen kơlôi sơnơng tĕ di ală bơta hơ̆, Mơ kơlôi sơnơng bơh bơta kòñ gơboh kơ̆ dơn Yàng Jehôwa dê.

Đơs Crih 119:128

Ngan, añ lòt jat jơh ală jơnau sồr Yàng dê; Añ gơjrañ kơuềng di kòp nơm gùng dà ma blac.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 84:5

Lơngai cau lơi in geh pràn kơldang tòm Yàng, Mơ nùs bol khai wèt hơ gùng lam tus hơ Siôn.

Đơs Crih 84:7

Bol khai lòt bơh bơta pràn kơldang sơlo gơbơtơl tai; Yàng Tom Trồ ală yàng dê rơp tơlik mat tòm Siôn.

Jơnau Pơnđik 10:29

Gùng lòt Yàng Jehôwa dê be dô nơm theng kìng crŭ cau song ngan in; Mơya gơ la bơta tơnroh cau lơh iơh in.

Jơnau Pơnđik 16:21

Cau lơi gơs nùs jak chài geh sơnđan la àng loh; Jơnau bơkah lơngồt gơbơtơl bơta git jak.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Esai 1:28

Mơya ală cau tòmdră mơ ală cau tồi glài rơp kong bal bơta tơnroh, mơ ală cau sang lòi Yàng Jehôwa gen rơp kong roh rui.

Esai 17:8

Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Esai 26:7

Gùng cau song ring la ring; Ơ Bơtau song ring, Kơnràñ pơnring gùng cau song ring dê.

Jeremi 29:12

Tòm tŭ bol mê hòi Añ, mơ tus mơ hòi dan mơ Añ, Añ rơp dòp jơnau.

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Ejekiel 11:18

Tòm tŭ bol khai rơp rê wơl tềng hơ̆, bol khai rơp tă sang jơh ală rùp duh khoai iơh rmơh mơ ală rùp ràk cù kìr.

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Daniel 12:10

Oă cau rơp geh lơh gơs sàng goh, geh lơh gơs wil tơl ò tềl ƀơ̆, mơ geh lòng tiar, mơya ală cau iơh rơp kư̆ lơh iơh. Ò gơs cau iơh lơi rơp git wă mơya ală cau jak chài rơp git wă.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Luka 7:23

Lơngai cau lơi in ò gơtup tìs tài bơh Añ!”

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

Broă 13:10

“Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Rôma 7:12

Gen behơ̆ bơta boh lam la sàng goh, mơ bơta sồr lam kung la sàng goh, song ring mơ niam sơl.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!