Sră Ôse 14:4 - Sră Goh 2018

⁴ Añ rơp sơmbòi bơta ò dòn song bol khai dê, Añ rơp kòñ gơboh dê bol khai jơh nùs; bơh bơta gơjrañ Añ jê neh pơrlac bơh di bol khai.

Sră Ôse 14:4 ပူးပေါင်းရင်းမြစ်များ

Đơs Crih 10:14

Yàng neh gŏ rau; ngan, Yàng sền sơwì bơta lơh iơh mơ bơta bòl glar jê sồt, Nàng ai tê tòm Kơnràñ dê mơ sal wơl. Ai cau òsô gen rơp jào să he Yàng in; Yàng la Bơtau dong kòl cau kòn đòi.

Đơs Crih 20:8

Ală cau hơ̆ rơp ruc wơl mơ gơplơ̆, Mơya bol hi rơp guh mơ ntào song.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 55:1

Ơ jơh ală cau lơi tơhìr, tus tĕ hơ ală dà; mơ bol mê la cau ò gơs jền priă, tus tĕ blơi mơ sa! Tus tĕ blơi tơrnòm mơ dà toh ò càng tơm jền.

Esai 57:18

Añ neh sền gŏ ală gùng dà bol khai dê, mơya Añ rơp sơmbòi bol khai; Añ rơp tề lam bol khai mơ tơm wơl bol khai in mơ bơta pơndòm pơniang, tơnggơs bơta jòng ro di sơndồi ală cau ñìm ƀồc.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 17:14

Khoai Yàng Jehôwa! Dan Kơnràñ sơm añ gen añ rơp geh bòi; Dan Kơnràñ dong añ gen añ rơp geh dong klàs; Bơh Kơnràñ la bơta jòng ro añ jê.

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Ejekiel 33:14

Bulah Añ đơs mơ cau iơh bơsak lah: ‘Ngan, mê rơp chơt!’ Mơya dilah bol khai pơrlac sang tồi glài khai dê mơ lơh wil tơl bơta boh lam mơ bơta di;

Ejekiel 36:36

Gen ală làng bol gam wơl gùt dar bol mê rơp git lah Añ, Yàng Jehôwa, neh bơt bơtào wơl tiah kong tơnroh, mơ neh tam wơl tiah neh kong lòi srau gòi. Añ, Yàng Jehôwa neh đơs behơ̆, mơ Añ rơp lơh behơ̆.’

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 2:19

Añ rơp bau mơ ai gam sùm sùm; Añ rơp bau mơ ai tòm bơta song ring mơ song ngan, tòm bơta kòñ gơboh kơ̆ dơn mơ bơta kòñ nđàc.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Khà Làng Bol 25:11

“Phineas kòn klau Eleajar, sau Arôn cau gơnoar ơn phan duh khoai, neh lơh Añ in rài bơta gơjrañ dờng bơh di cau Israel, khai kung duh hul be Añ bơh bơta ryŭ ryơm Añ jê digùl bol khai, tài behơ̆ tòm bơta duh hul Añ jê Añ ò gŏ tơnroh bol khai.

Khà Làng Bol 25:4

Yàng Jehôwa đơs mơ Môise lah: “Kup tĕ jơh ală cau kwang at bồ làng bol do dê, tơnchơt bol khai mơ yồng ƀồc bol khai tòm bơta àng mattơngai dê di đap Yàng Jehôwa tồ bơta gơjrañ dờng Kơnràñ dê digơlan rơp geh rài bơh di Israel.”

Rôma 3:24

mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,