Sră Ôse 14:3 - Sră Goh 2018

³ Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Sră Ôse 14:3 ပူးပေါင်းရင်းမြစ်များ

II Yal Yau 16:7

Tòm tŭ hơ̆, Hanani cau gơnoar hwơr lòt tus hơ Asa bơtau Juda mơ đơs lah: “Tài bơh bơtau neh dòn kơnòm di bơtau lơgar Aram mơ ò dòn kơnòm di Jehôwa Yàng Tom Trồ bơtau dê, gen mpồl ling bơtau lơgar Aram dê neh dô klàs bơh di tê bơtau dê.

Đơs Crih 10:14

Yàng neh gŏ rau; ngan, Yàng sền sơwì bơta lơh iơh mơ bơta bòl glar jê sồt, Nàng ai tê tòm Kơnràñ dê mơ sal wơl. Ai cau òsô gen rơp jào să he Yàng in; Yàng la Bơtau dong kòl cau kòn đòi.

Đơs Crih 146:3

Bañ dòn kơnòm di ală kwang bàng, bañ dòn kơnòm di kòn mơnus, la cau ò rgơi dong kòl.

Đơs Crih 146:9

Yàng Jehôwa sền gàr cau nac crih, Yò đo cau ùr bơnrau mơ cau kòn đòi, Mơya Kơnràñ rơp tơnroh gùng dà cau iơh bơsak dê.

Đơs Crih 33:17

Kơnòm di ơseh nàng geh pha lin rlau, hơ̆ la bơta gơn kơnòm ò kwơ, Mơ bơta pràn kơldang gơ dê kung ò rgơi dong klàs cau lơi ò.

Đơs Crih 68:5

Yàng Tom Trồ ơm tòm tiah sàng goh Kơnràñ dê, La Bèp ală cau kòn đòi dê, mơ la Cau cahrña song ring ală cau ùr bơnrau in.

Esai 1:29

Đah mơ ai rơp kong ƀàssìl bơh ală tòm cha mơ ai lơh gơs tiah duh khoai, mơ la tiah ai kòñ gơboh; Ai rơp kong ƀàssìl ƀàsso tài bơh ală suơn mơ ai neh sac rwah.

Esai 2:20

Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 30:16

Bol mê đơs lah: ‘Ò, bol hi rơp hào ơseh ntoat dô!’ Gen tàng bol mê rơp ntoat dô! mơ đơs lah: ‘Bol hi rơp hào ơseh jak!’ Gen tàng ală cau ting jat bol mê kung rơp ntoat mhar!

Esai 30:2

Bol khai mù hơ Ejiptơ mơ ò lùp Añ, jòi tiah kìng crŭ tòm bơta sền gàr Pharaôn dê, mơ jòi tiah pồn să tòm mƀur Ejiptơ dê.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 31:3

Mơya cau Ejiptơ la kòn mơnus, ò di la Yàng Tom Trồ; ơseh tòmlơh bol khai dê mìng la poac să, ò di la hwềng. Tòm tŭ Yàng Jehôwa pò tê Kơnràñ dê gen cau dong kòl rơp gơpừ, cau geh dong kòl rơp gơplơ̆, jơh bàr đah rơp kong roh rui bal.

Esai 36:8

Behơ̆ tŭ do, tòmpơrlòng tĕ mơ cau tòm añ jê la bơtau Asiri: Añ rơp ai bol mê in bàr rbô nơm ơseh, dilah mê rgơi gơs tơl cau ling hào gơ!

Jeremi 49:11

Lòi tĕ ală kòn đòi mê dê; să tòm Añ rơp prap gàr bơta kis bol khai dê; Ală cau ùr bơnrau bol mê dê rgơi dòn kơnòm di Añ!”

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 37:23

Bol khai rơp ò tŭ lơi lơh ƀơ̆ ƀơl is să tòm bol khai dê bơh ală rùp ràk mơ bơta lơi lơh bol khai in gơlik ngkòr ngkàc, hala bơh dô nơm tồi glài lơi bol khai dê, bơh Añ rơp dong tă bol khai klàs bơh di jơh ală bơta bol khai neh tìs glài, mơ Añ rơp lơh goh bol khai. Bol khai rơp lơh gơs làng bol Añ jê mơ Añ rơp lơh gơs Yàng Tom Trồ bol khai dê.

Sră Ôse 12:1

Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Sră Ôse 2:17

Bơh Añ rơp tă tơlik ală sơnđan Baal bơh di bơr khai, ò gơs cau lơi hòi di ală sơnđan bol gơ dê tai.

Sră Ôse 4:12

Bol khai hòi lùp mơ dô gơl chi, gen geh ho wơl bơh dô nơm gai gơ dê. Nùs nhơm rềs àr lam bol khai lòt tìs nrah, mơ bol khai ò dòn song mơ Yàng Tom Trồ bol khai dê.

Sră Ôse 5:13

Tòm tŭ Epraim neh gŏ bơta kòp jê khai dê, mơ Juda neh gŏ tềl sồt, gen Epraim lòt tus hơ cau Asiri, mơ sồr lòt tus hơ bơtau dờng. Mơya khai ò rgơi sơm bơta kòp jê bol mê hala sơmbòi ală tềl sồt bol mê dê.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Sră Ôse 8:6

Bơh rùp ràk hơ̆ gơlik bơh Israel! Dô nă cau chài neh tŏ gơs gơ; gơ ò di la Yàng Tom Trồ. Kơnrồ kòn Samari dê rơp kong bơcah rpot rpet.

Sră Ôse 8:9

Bơh bol khai neh lòt tus hơ Asiri, kung be dô nơm alàng brê lòt is gơlềng gơlàng. Epraim neh tòmpơyòm mơ ală cau khai kòñ gơboh.

Jôna 2:10

Mơya añ bal mơ jơnau ưnngài lơh gơs phan ơn duh khoai Kơnràñ in. Añ rơp tơm wơl bơta añ neh ho pơgon. Bơta dong tă gơrê bal mơ Yàng Jehôwa!”

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Jang 14:18

Añ rơp ò lòi bol mê ơm kòn đòi ò, Añ rơp lòt tus hơ bol mê.

Yal Wơl 17:16

Rlau mơ hơ̆, cau bơtau ò di bơt bơtào he in dô mpồl gal ngan ơseh hala sồr làng bol rê wơl hơ Ejiptơ nàng jòi bơtơl tai ơseh, bơh Yàng Jehôwa neh đơs mơ bol mê lah: ‘Bol mê ò di rê wơl gùng hơ̆ tai.’