Sră Ôse 13:5 - Sră Goh 2018

⁵ Hơ̆ la Añ neh ròng siam mê tòm ƀlàng ngềt ngơt, tòm tiah rañ rsơh.

Sră Ôse 13:5 ပူးပေါင်းရင်းမြစ်များ

Sơnròp Gơlik Gơs 31:40

Tòm trồ ngai añ kong duh, tòm trồ mang añ kong noat mrềt, añ bic ò lơhă.

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 142:3

Tòm tŭ hwềng soàn añ bòl glar, gen Yàng git gùng dà añ jê. Tòm gùng añ lòt, bol khai neh pơt òm dă nàng kup añ.

Đơs Crih 31:7

Añ rơp chò hòp mơ hừh hơh bơh bơta kòñ gơboh kơ̆ dơn Yàng dê, Tài bơh Kơnràñ neh gŏ bơta jê sồt bòl glar añ jê, mơ git ală bơta jê sồt moat jrùng añ jê.

Đơs Crih 63:1

Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà.

Lik Ejiptơ 2:25

Behơ̆, Yàng Tom Trồ wèt sền di cau Israel mơ kơlôi rcang bơh bol khai.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Sră Ôse 5:3

Añ git Epraim, mơ Israel ò geh pồn ndơp bơh di Añ. Ơ Epraim, bơh mê neh lơh dri tơlàr, Israel neh gơlik ƀơ̆ ƀơl.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,

Yal Wơl 8:15

Kơnràñ neh tề lam bol mê lòt gan ƀlàng ngềt ngơt cù kìr ngan, ù tiah tơhìr dà mơ ro rañ hơ̆, gơs ală bơs bih khih mơ diang. Kơnràñ neh lơh dà gơcat bơh di pơnai lŭ kră bol mê in hùc.