Sră Ôse 13:3 - Sră Goh 2018

³ Behơ̆ tàng bol khai rơp gơlik kung be dà mơryuh àng drim, kung be dà tŭ rìng àng drim mhar roh thit, kung be nsiap càl khồm pơrdô bơh làn pơrjòt kòi, kung be ñhŭ lik bơh mpồng dềt.

Sră Ôse 13:3 ပူးပေါင်းရင်းမြစ်များ

Sră Jop 21:18

Mbe bol khai gơlơh kung be rhe di đap càl? Hala kung be nsiap gơkòl càl rbut cèng pơrdô taih?

Sră Jop 30:15

Ală bơta rngòt rngơt wèt wơl hơđang añ, Bơta dờng màng añ jê gơ dô roh be càl, Bơta pas gơs lơngai lơngò añ jê roh thit be dô puk mhwal.

Đơs Crih 1:4

Cau iơh bơsak ò di behơ̆ ò, Mơya bol khai ò gơkrơi be nsiap càl khồm gơ par roh thit.

Đơs Crih 68:2

Be ñhŭ gơ dô, dan Kơnràñ lơh gơprah bol khai kung behơ̆ sơl; Be jrềng lề di đap ồs, Dan lòi ală cau iơh bơsak kòl tơnroh di đap Yàng Tom Trồ.

Esai 17:13

Bulah ală làng bol lơh nggồr nggàc kung be bơta nggồr nggàc ală dà jrài dê, mơya Kơnràñ lah pơrhơng bol khai gen bol khai dô ngài, kòl càl pơrdô kung be nsiap kòi hơđang mơnơm, kung be dô puk thul ơmul càl rbut khồm.

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.