Sră Ôse 13:16 - Sră Goh 2018

¹⁶ Samari rơp àñ glài bol khai dê, tài bơh khai neh bơtào tòmdră mơ Yàng Tom Trồ bol khai dê. Bol khai rơp gơpừ bơh đào; ală kòn dềt bol khai dê rơp kong jă tơnlề tòm tiah, mơ ală cau ùr gơs bun bol khai dê rơp kong reh kơndul.

Sră Ôse 13:16 ပူးပေါင်းရင်းမြစ်များ

II Ală Bơtau 15:16

Tŭ hơ̆, Menahem cèng ling bơh Tirjah, brồ lơh Tipsah, mơ tơnchơt jơh làng bol ơm tòm hơ̆, mơ jơh kơnhwàl gùt dar, tài bơh ƀòn hơ̆ ò bài pò mpồng khai in; khai tơnroh gơ, mơ reh kơndul jơh ală cau ùr gơs bun tềng hơ̆.

II Ală Bơtau 17:18

Gen tàng, Yàng Jehôwa gơhào gơjrañ ngan di làng bol Israel, mơ bơtrơh tơlik bol khai bơh di đap mat Kơnràñ; mìng gam wơl jơi bơtiàn Juda lơm.

II Ală Bơtau 17:5

Gen bơtau Asiri lòt tus tòmpìt ai jơh lơgar, tòm pe nam khai gơrwàng Samari.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

II Ală Bơtau 8:12

Hajael lùp lah: “Ñchi bơh tài cau tòm añ ñìm taih?” Elise ho lah: “Tài bơh añ git bơta iơh mơ mê rơp lơh di cau Israel. Mê rơp chu ală ƀòn dờng kơ̆ cê bol khai dê, tơnchơt ală cau pơnu mơ đào, jă tơnlề kòn dềt, mơ reh kơndul cau ùr bun bol khai dê.”

Esai 13:16

Kòn dềt bol khai dê rơp kong tơnlề rpot rpet di đap mat bol khai, hìu bol khai dê rơp kong cau phà tòmpìt mơ bau ùr bol khai dê rơp kong cau bic bơklơn.

Esai 17:3

Tiah kơp gàr kơ̆ cê rơp roh thit bơh di Epraim, mơ lơgar bơtau ò gam tai, bơh di Damas; làng bol gam wơl Aram dê rơp kung be bơta gơklŏ kòn sau Israel dê,” Yàng Jehôwa Gơnap Gơnoar Dờng đơs behơ̆.

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Sră Ôse 10:2

Nùs bol khai la blac pơrlồm, tŭ do bol khai pal àñ ơnòng bơta tồi glài bol khai dê. Yàng Jehôwa rơp sòr tơrlơm ală cơnòng duh khoai, mơ rơp tơnroh ală jrong duh khai bol khai dê.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 9:1

Añ gŏ Yàng Jehôwa ntào rềp di gah cơnòng duh khoai, mơ Kơnràñ đơs lah: “Pòng tĕ ală bồ jrong jơl tus ală ròc bơr mpồng gơlơnggơr; pòng bơcah tĕ bol gơ hơđang bồ jơh ală làng bol, ală cau gam wơl gen Añ rơp tơnchơt mơ đào. Ò gơs dô nă cau lơi rơp geh dô, ò gơs dô nă cau lơi rơp geh klàs.

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Nahum 3:10

Bulah behơ̆, khai neh kong kup cèng pơrdô tòm lơgar ngài. Kòn sau khai dê neh kong jă trơm lề lac di bồ kòp nơm gùng. Cau neh tă khà hơđang ală cau ryŭ ryơm khai dê, mơ jơh ală cau dờng màng neh kong cap mơ che sreng.