Sră Ôse 13:1 - Sră Goh 2018

¹ Tòm tŭ Epraim đơs, cau rơm să rngòt; khai neh geh yò tơngguh tòm Israel. Mơya khai neh tìs glài duh khoai Baal mơ kong chơt.

Sră Ôse 13:1 ပူးပေါင်းရင်းမြစ်များ

Sơnròp Gơlik Gơs 2:17

mơya chi git bơta niam mơ bơta iơh, gen bañ sa gơ, bơh ngai lơi mê sa, ngan mê rơp chơt.”

I Ală Bơtau 12:25

Gen Jerôbôam bơt bơtào Sicem hơđang tiah kơh mơnơm Epraim, mơ ơm tơn tềng hơ̆. Khai lik lòt bơh hơ̆ mơ bơt bơtào Phenuel.

Sră Jop 29:21

Bol khai iat añ mơ kơp gơn, ơm mŏ mŏ nàng iat jơnau añ bơto sồr.

Sră Jop 29:22

Tơnơ̆ mơ tŭ añ neh đơs, bol khai ò gơs jơnau đơs tai; Jơnau đơs añ jê dùh hơđang bol khai kung be dà tŭ.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Sră Ôse 11:2

Añ sơlo hòi bol khai, gen sơlo bol khai lòt ngài bơh Añ. Bol khai neh ơn phan duh khoai ală Baal in, mơ chu kơlhô ală rùp ràk in.

Sră Ôse 2:10

Behơ̆ Añ rơp ràng tơlik bơta ƀàssìl ƀàsso khai dê di đap ală cau khai tòmtir, mơ ò gơs cau lơi rgơi dong khai klàs bơh tê Añ.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Sră Ôse 8:4

Bol khai neh pồ bơtào ală cau bơtau ò di bơh Añ, bol khai sac rwah ală cau kwang at bồ mơ Añ ò dô nùs bal. Bol khai ai màh priă bol khai dê nàng lơh gơs ală rùp ràk, nàng bol khai in kong tơnroh.

Khà Làng Bol 10:22

Ală sàl mpồl Epraim dê lòt pơnjat tơnơ̆ mơ bol hơ̆, hơđơm bồng bi bol khai dê. Elisama kòn klau Ammihut la cau lam bồ.

Khà Làng Bol 13:16

Hơ̆ la sơnđan ală cau klau mơ Môise neh sồr lòt rwang sền lơgar. (Môise neh tơmoh sơnđan Hôse kòn klau Nun la Jôsue.)

Khà Làng Bol 13:8

Hôse kòn klau Nun bơh di jơi bơtiàn Epraim;

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Rôma 5:12

Gen tàng, tài bơh dô nă cau tàng tồi glài neh mut tòm dunnia, mơ tài bơh tồi glài tàng gơs bơta chơt, gen bơta chơt neh rsìh làm jơh hơđang tơl nă cau, bơh jơh tơl nă cau neh tìs glài.

II Kôrintô 5:14

Bơh bơta kòñ gơboh Bơtau Krist dê lơh rngoh rngac bol hi, bơh bol hi kơlôi lah dilah gơs dô nă Cau neh chơt bơh tơl nă cau, gen tơl nă cau neh chơt sơl.

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Ală Kwang Cahrña 12:1

Ală cau klau Epraim pơjum mpồl ling, bol khai tiă tus hơ Japhôn mơ đơs mơ Jepthe lah: “Ñchi bơh tài mê tiă lòt tòmlơh mơ làng bol Ammôn mơ ò hòi bol hi lòt bal mơ mê taih? Bol hi rơp chu tơn hìu mê bal mơ mê.”

Ală Kwang Cahrña 8:1

Cau Epraim đơs mơ Gideôn lah: “Ñchi bơta mê neh lơh di bol hi taih? Mê ò hòi bol hi tòm tŭ mê lòt tòmlơh mơ làng bol Midian taih?” Mơ bol khai đơs iơh di khai dô bă kơnjơ̆ ngan.

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.