Sră Ôse 12:7 - Sră Goh 2018

⁷ Mơya, mê pal rê wơl hơ Yàng Tom Trồ mê dê, prap gàr bơta kòñ gơboh mơ bơta song ring, mơ gơn kơnòm sùm sùm di Yàng Tom Trồ mê dê.

Sră Ôse 12:7 ပူးပေါင်းရင်းမြစ်များ

Sơnròp Gơlik Gơs 49:18

Ơ Jehôwa! Añ neh kơp gơn bơta dong klàs Kơnràñ dê!

Jơnau Pơnđik 11:1

Dô nơm kơr ma blac la dô bơta cù kìr Yàng Jehôwa in; Mơya plai kơr tòm toh geh niam nùs Kơnràñ.

Jơnau Pơnđik 16:11

Plai kơr mơ phan kơr song ring gơrê mơ Yàng Jehôwa; ală plai kơr tòm kơldung la broă lơh Kơnràñ dê.

Esai 3:5

Làng bol rơp kong rồn bơklơn, kòp nă tòmdră mơ cau ndai, gơp ƀòn tòmdră mơ gơp ƀòn; cau pơnu rơp dờng nùs mơ cau kra, cau ò diă ò diơng ò duh rngòt cau ryŭ ryơm.

Esai 56:1

Yàng Jehôwa đơs be do: “Prap gàr tĕ bơta song ring, mơ lơh tĕ bơta di ngan, bơh bơta dong klàs Añ jê rơp tus mhar mo, mơ bơta dong tă Añ jê neh geh yal tơlik.

Ejekiel 16:3

mơ đơs tĕ lah: ‘Jehôwa Yàng Tom Trồ đơs mơ Jerusalem be do: “Tòm ryas ai dê mơ tiah ai geh deh la tòm lơgar cau Kanaan; bèp ai la dô nă cau Amôrit, mè ai la dô nă cau Hetit.

Ejekiel 22:29

Làng bol tòm lơgar òs sa kơrlơm mơ tìs glài ntung kơñau, bol khai rồn bơklơn cau rƀah lơòi mơ cau siơ̆u siar, mơ lơh ò di ò niam gơwèt mơ cau ơm tòp, ò lơh bơta song ring bol khai in.

Ejekiel 28:5

Bơh bơta jak chài dờng ngan mê dê tòm bơta kă bro, gen mê neh gơbơtơl oă bơta pas gơs mê dê, mơ nùs mê gơlik pơnhừ să bơh bơta pas sơm mê dê.’

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Mice 2:1

Bòl glar cau lơi in bơtào kai bơta jàñ bơsak, mơ broă iơh rmơh hơđang cơnòng bic bol khai dê! Tòm tŭ trồ rìng àng, bol khai lơh gơs bơta hơ̆ tài bơh gơ ơm tòm gơnoar bol khai dê.

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Sacari 14:21

Kòp nơm glah tòm Jerusalem mơ tòm Juda rơp la sàng goh Yàng Jehôwa Gơnap Gơnoar Dờng Làm Jơh in, mơ jơh ală cau tus ơn phan ơn duh khoai rơp ai glah mơ gơm. Mơ tòm ngai hơ̆ rơp ò gam tai dô nă cau Kanaan tòm hìu Yàng Jehôwa Gơnap Gơnoar Dờng Làm Jơh dê.

Sacari 5:8

Mơ khai đơs lah: “Hơ̆ la bơta iơh bơsak,” behơ̆ khai tơlo cau ùr mut wơl tòm bài mơ ai bơnap bài mơ trà trup wơl hơđang bơr bài.

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Jang 2:16

Kơnràñ đơs mơ cau tac sềm ntòp lah: “Cèng tơlik tĕ ală phan do bơh tềng do, bañ lơh hìu Bèp Añ jê gơlik gơs hìu kă bro.”

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”