Sră Ôse 12:6 - Sră Goh 2018

⁶ Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

Sră Ôse 12:6 ပူးပေါင်းရင်းမြစ်များ

Sơnròp Gơlik Gơs 49:18

Ơ Jehôwa! Añ neh kơp gơn bơta dong klàs Kơnràñ dê!

Đơs Crih 123:2

Ngan, be mat cau duh broă sền di tê cau tòm khai dê, be mat cau ùr dong broă sền di tê cau ùr tòm khai dê be lơi, Gen mat bol hi sền di Jehôwa la Yàng Tom Trồ bol hi dê behơ̆ sơl, Jơl tus di tŭ Kơnràñ kòñ nđàc di bol hi.

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Đơs Crih 37:7

Ơm tĕ ring lơngai di đap Yàng Jehôwa, mơ kơ̆ tĕ nùs kơp gơn Kơnràñ; Bañ gơs nùs sơềt sơềl tài bơh cau geh bơtoah bơtoài tòm gùng dà khai dê, La cau lơh gơlik gơs ală kai gơrmơ̆i iơh khai dê.

Lik Ejiptơ 3:15

Yàng Tom Trồ kung đơs tai mơ Môise lah: “Mê đơs tĕ mơ làng bol Israel: ‘Yàng Jehôwa la Yàng Tom Trồ ồng pàng bol mê dê, Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê, neh sồr añ lòt tus hơ bol mê.’ Hơ̆ la sơnđan gam sùm sùm Añ jê, la sơnđan pal kah bơh Añ bơh rài do tus rài ne.”

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Esai 1:16

Rào tĕ să tòm bol mê, lơh tĕ să tòm bol mê in sàng goh! Tă sang tĕ ală broă iơh bol mê dê bơh di đap mat Añ! Ơm tĕ, bañ lơh tìs tai.

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 31:6

Ơ kòn sau Israel, rê wơl tĕ mơ Kơnràñ la Bơtau mơ bol mê neh jơh nùs tòmdră.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Esai 8:17

Añ rơp gơn kơp Yàng Jehôwa, Kơnràñ neh pồn mat Kơnràñ dê bơh di hìu Jakôp, añ rơp gơn kơnòm di Kơnràñ!

Jeremi 22:15

Mê la bơtau Tài bơh gơs oă chi pơnàng ơ? Ò di bèp mê neh sa neh hùc, Lơh broă song ring, song ngan Gen tàng gơlik niam khai in.

Ejekiel 18:30

Gen tàng, Yàng Jehôwa đơs lah: ‘Ơ hìu Israel, Añ rơp cahrña bol mê, kòp nă jat gùng dà khai dê. Gơjrañ sang glài tĕ! Pơrlac ngài tĕ bơh di jơh ală bơta tìs bol mê neh lơh; dilah ò, gen bơta tồi glài rơp la bơta tơnroh bol mê.

Sră Ôse 10:12

Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 5:24

Mơya lòi tĕ bơta song ngan hòr lik kung be dà, mơ bơta song ring kung be croh dà hòr sùm sùm!

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Sôphôni 3:8

Gen tàng, Yàng Jehôwa đơs lah: “Kơp gơn tĕ Añ, jơl tus ngai Añ rơp ñă ntào nàng lơh cơng sơnio glài. Bơh Añ neh lơh nền pơjum tơrgòm ală làng bol mơ pơjum bal ală lơgar, mơ tuh tơlik bơta gơjrañ dờng Añ jê hơđang bol khai, la jơh ală bơta gơjrañ duh hơng Añ jê. Bơh jơh plai ù rơp kong chu pơrguc tòm ồs bơta gơjrañ ƀoah pơrñat Añ jê.

Sacari 1:3

Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Sacari 8:16

Do la ală bơta bol mê pal lơh: “Đơs tĕ jơnau song bal mơ gơp, cahrña song ngan mơ lơh bơh bơta ring lơngai tòm ală tiah cahrña bol mê dê.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.