Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sră Ôse 12:2 - Sră Goh 2018

2 Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

အခန်းကိုကြည့်ပါ။ ကော်ပီ




Sră Ôse 12:2
32 ပူးပေါင်းရင်းမြစ်များ  

Mơya bơtau Asiri gŏ Ôse jòi kai pơrlơ̆ dră; bơh Ôse neh sồr cau lòt tus hơ Sô, bơtau Ejiptơ, mơ ò boh dia bơtau Asiri in be khai neh lơh kòp nam; gen bơtau Asiri kup khai cap mơ cèng jàm.


“Cau jak chài rơp ho wơl mơ bơta git wă càl dê, mơ tơmbềng să tòm khai dê mơ càl đah mattơngai lik ơ?


Mơya bol khai ai bơr mơ đơs rơmhòc mơ Kơnràñ, Ngui lơmpiat he đơs blac mơ Kơnràñ.


Be bol khai lik bơh kơndul mè ơm kuh lòi rồ be lơi, gen rơp rê wơl behơ̆ sơl; Bol khai ò cèng phan lơi bơh ală broă bòl glar bol khai dê, ò gơs phan lơi tê bol khai rgơi cèng.


Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.


Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.


Tòm ngai hơ̆, Yàng Jehôwa rơp lơh glài ală gơnoar at bồ hơđang trồ tòm ală tap trồ, mơ tòm ù ală cau bơtau tòm plai ù.


Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.


Do la dô jơnau đơs hwơr bơh ală phan poan jơng tòm Negep: Gan ù tiah bòl glar kalke, ù tiah ală klìu triă dam mơ klìu triă me ơluh, bơs bih mơ bơs ồs par, bol khai pơdiang phan mơna bol khai dê hơđang ngkòi alàng, pơdiang phan màng bol khai dê hơđang gu làkđa dê, tus hơ dô nơm làng bol ò lơh gơlik kwơ bol khai in.


Kơnràñ rơp tơm wơl jat be broă bol khai neh lơh: bơta gơjrañ dờng hơđang ală cau sò tơm di Kơnràñ, mơ bơta sal tê di ală cau tòmdră mơ Kơnràñ; Kơnràñ rơp tơm wơl ală bồt pơlào in.


Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.


Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.


Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.


Mơ gơ rơp gơlik gơs, làng bol be lơi gen cau gơnoar ơn phan duh khoai kung behơ̆ sơl. Añ rơp lơh glài bol khai bơh ală gùng dà bol khai dê, mơ tơm wơl bol khai in jat be ală broă bol khai neh lơh.


Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.


Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.


Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.


Bulah bol khai neh tòmpơyòm bơh bơta tac rwat mơ ală làng bol, tŭ do Añ rơp pơjum tơrgòm bol khai wơl. Ò jŏ tai bol khai rơp kong pơnjê pơngkồr oă ngan hơđơm ơnòng kơnjơ̆ ală cau bơtau mơ cau kwang at bồ dê.


Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.


Bơh bol khai neh lòt tus hơ Asiri, kung be dô nơm alàng brê lòt is gơlềng gơlàng. Epraim neh tòmpơyòm mơ ală cau khai kòñ gơboh.


Jơh ală bơta iơh bơsak bol khai dê sơntòm tòm Gilgal; tềng hơ̆ Añ tus nàng gơjrañ di bol khai. Tài bơh ală broă iơh bơsak bol khai neh lơh, Añ rơp ting bơtrơh bol khai lik bơh hìu Añ. Añ rơp ò kòñ gơboh dê bol khai tai; Jơh ală cau kwang at bồ bol khai dê la cau tòmdră.


Bol khai gơkram jrô tòm bơta tìs nrah bol khai dê be tòm ală ngai Gibea dê. Yàng Tom Trồ rơp kah wơl bơta iơh bơsak bol khai dê, mơ rơp lơh glài tài bơh tồi glài bol khai dê.


Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.


Ơ ală mơnơm, iat tĕ jơnau tòm pơndang Yàng Jehôwa dê; Iat tĕ, ơ ală mơnàng gam sùm sùm plai ù dê, Bơh Yàng Jehôwa tòm pơndang mơ làng bol Kơnràñ dê, Kơnràñ rơp tòmdră mơ Israel.


Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.


Bơh Yàng Tom Trồ rơp cahrña kòp nă cau in jat be broă bol khai lơh.


Bañ pơrlồm să he; Yàng Tom Trồ ò lòi cau sền òsơp di Yàng ò, bơh cau sih gar lơi, gen toès wơl gar hơ̆.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ