Sră Ôse 11:8 - Sră Goh 2018

⁸ Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 11:8 ပူးပေါင်းရင်းမြစ်များ

Sơnròp Gơlik Gơs 14:8

Bơtau Sôdôm dê, bơtau Gômôrơ dê, bơtau Atma dê, bơtau Sebôim dê mơ bơtau Bela dê, hơ̆ la Soar, lik lòt tus tòm thòng Sidim mơ rcang tòmlơh,

II Samuel 24:16

Tòm tŭ cau gơnrơh pò tê nàng tơnroh Jerusalem, Yàng Jehôwa moat jrùng bơh bơta rung rài hơ̆, gen đơs mơ cau gơnrơh lơh tơnroh làng bol lah: “Tơl rau! Dơh wơl tĕ tê mê dê.” Tŭ hơ̆ cau gơnrơh Yàng Jehôwa dê ơm di làn jă kòi Arauna, cau Jebusit dê.

I Ală Bơtau 3:26

Gen cau ùr gơs kòn klau gam kis nđàc sơngit di kòn khai dê đơs mơ bơtau lah: “Ơ cau tòm añ jê, dan ai tĕ cau ne in kòn dềt gam kis, bañ tơnchơt khai!” Mơya cau ne đơs lah: “Khai rơp ò gơrê mơ añ, mơ kung ò gơrê mơ ai; blah tĕ khai gơs bàr pơnah!”

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Đơs Crih 106:45

Bơh bol khai mơ Kơnràñ kah wơl bơta ho bal Kơnràñ dê, Mơ kòñ nđàc bol khai jat bơta kòñ gơboh kơ̆ dơn tơngkah tơngkañ Kơnràñ dê.

Esai 16:11

Nùs Añ tài bơh Môap mơ rac ròc kung be kơñi rơs, tòm hwềng nùs Añ kung behơ̆ tài bơh Kir Hareset.

Esai 63:15

Dan Yàng tơmềt sền bơh đang trồ, bơh tiah ơm sàng goh mơ gơklŏ Kơnràñ dê. Ntềng đah bơta ngac ngar mơ gơnoar pràn Kơnràñ dê taih? Nùs lơbơn niam mơ bơta nđàc sơngit Kơnràñ dê neh tă tơlik bơh Añ.

Jeremi 18:8

dilah lơgar mơ Añ đơs hơ̆ pơrlac sang bơta iơh gơ dê, gen Añ rơp tòmgơl nùs ò tơndùh bơta rung rài Añ lơh nền hơđang bol khai.

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 42:10

‘Dilah bol mê kư̆ ơm wơl tòm lơgar do, gen Añ rơp bơtào bol mê wơl mơ ò phà tơnroh, Añ rơp tam bol mê mơ ò dus sang; bơh Añ neh tòmgơl bơh bơta rung rài mơ Añ neh dùh hơđang bol mê.

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Jeremi 9:7

Gen tàng Yàng Jehôwa Gơnap Gơnoar đơs be do: “Añ rơp tiar mơ lòng bol khai; Ñchi Añ pal lơh tai gơwèt mơ tồi glài làng bol Añ jê taih?

Ñìm Rac 1:20

Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Ñìm Rac 3:32

Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Ñìm Rac 3:33

Hơ̆ ò di la bơh nùs kòñ Kơnràñ lơh jơi kòn mơnus in bòl glar mơ jê sồt.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Amôs 7:3

Behơ̆ Yàng Jehôwa tơmù nùs bơh bơta do, Yàng Jehôwa đơs lah: “Bơta hơ̆ rơp ò gơlik tus.”

Amôs 7:6

Behơ̆ Yàng Jehôwa tơmù nùs bơh bơta do. Jehôwa Yàng Tom Trồ đơs lah: “Bơta hơ̆ kung rơp ò gơlik tus.”

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Sôphôni 2:9

Behơ̆ tàng, Yàng Jehôwa Gơnap Gơnoar Dờng Làm Jơh, la Yàng Tom Trồ Israel dê đơs lah: “Di ngan kung be Añ kis, Môap rơp gơlik be Sôdôm, mơ cau Ammôn rơp gơlik be Gômôrơ, gơ rơp gơlik gơs dô bă tiah gơs lò hòn mơ ală trồm boh, dô bă tiah sang lòi srau gòi gam sùm sùm. Ală cau gam wơl tòm làng bol Añ jê rơp phà tòmpìt bol khai, ală cau gam kis tòm lơgar Añ jê rơp tòmpìt ù tiah gơlơh gơs sre brê.”

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Yal Wơl 29:22

Ală kòn sau rài tơnơ̆ pơnjat bol mê mơ ală cau làng bol bơdìh neh tus bơh di ală lơgar ngài rơp gŏ ală bơta rung rài dùh hơđang ù tiah mơ ală bơta pluh plàng mơ Yàng Jehôwa neh tơndùh hơđang gơ.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

Yal Tơlik 18:18

sền gŏ ñhŭ ồs sa khai, gen driau dờng lah: “Gơs ƀòn lơi ndròm be ƀòn dờng ne sơl!”

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.