Sră Ôse 11:3 - Sră Goh 2018

³ Hơ̆ la să tòm Añ neh bơto Epraim in git lòt, Añ kơnđu bol khai tòm tơwòr tê Añ jê; mơya bol khai ò đal git să tòm Añ neh sơm bol khai in.

Sră Ôse 11:3 ပူးပေါင်းရင်းမြစ်များ

Đơs Crih 107:20

Kơnràñ ai jơnau đơs Kơnràñ dê mơ sơmbòi bol khai, Mơ dong tă bol khai bơh bơta tơnroh.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Lik Ejiptơ 23:25

Duh khoai tĕ Jehôwa Yàng Tom Trồ bol mê dê; Kơnràñ rơp ai lơngai ală phan sa phan ñô bol mê dê. Añ rơp tă tơlik jơh ală bơta kòp jê bơh digùl bol mê,

Esai 1:2

Ơ ală tap trồ, iat tĕ! Ơ ù, ơn tồr iat tĕ! Bơh Yàng Jehôwa neh đơs lah: “Añ neh ròng siam kòn sau mơ lơh bol khai in dờng, mơya bol khai bơtào tòmdră wơl mơ Añ.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Esai 46:3

Ơ hìu Jakôp, iat tĕ Añ, Ơ jơh ală bol mê la cau gam wơl hìu Israel dê, bol mê la ală cau Añ neh tơnggơs bơh tŭ mê pa deh, mơ cèng mê bơh tòm kơndul mè.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Jeremi 30:17

Yàng Jehôwa đơs: ‘Añ rơp ai wơl bơta pràn mê in, Mơ tềl sồt mê dê Añ rơp sơm, Bơh bol khai neh sơnđan mê la cau kong sang lòi: “Hơ̆ la Siôn, ò gơs cau lơi wèt sền tai!”’

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Sră Ôse 14:4

Añ rơp sơmbòi bơta ò dòn song bol khai dê, Añ rơp kòñ gơboh dê bol khai jơh nùs; bơh bơta gơjrañ Añ jê neh pơrlac bơh di bol khai.

Sră Ôse 2:8

Khai òhềt đal git Añ la Bơtau neh ai khai in kòi mbo, tơrnòm mơ mơñà, neh tuh khai in oă ngan priă mơ màh mơ khai neh ngui nàng lơh gơs phan ơn Baal in.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Sră Ôse 7:15

Añ neh bơto bol khai git lơh broă mơ neh bơtơl pràn tơwòr tê bol khai in, mơya bol khai bơtào kai gơrmơ̆i iơh bơsak tòmdră wơl mơ Añ.

Broă 13:18

Kơnràñ kong ơt di bol khai pơgap poan jơt nam tòm ƀlàng bràs ngềt ngơt.

Yal Wơl 1:31

mơ tòm ƀlàng ngềt ngơt. Tềng hơ̆ bol mê neh gŏ mbe Jehôwa Yàng Tom Trồ bol mê dê neh kơnđu bol mê, kung be dô nă bèp kơnđu kòn klau khai dê, tòm jơh gùng lòt bol mê dê jơl tus di tŭ bol mê neh tus di tiah do.’

Yal Wơl 33:27

Yàng Tom Trồ gam kis sùm sùm la tiah kìng crŭ mê dê, mơ hơđơm tiah hơ̆ gơs ală tơwòr tê gam sùm sùm. Kơnràñ rơp ting bơtrơh cau sò tơm mê dê bơh di đap mê, mơ đơs lah: ‘Tơnroh tĕ khai!’

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.