Sră Ôse 10:5 - Sră Goh 2018

⁵ Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Sră Ôse 10:5 ပူးပေါင်းရင်းမြစ်များ

II Ală Bơtau 10:29

Mơya khai ò sang lòi tồi glài Jerôbôam, kòn klau Nebat dê, hơ̆ la glài neh lơh cau Israel gơtup tìs: hơ̆ la khai gam lòi wơl ală rùp ràk kơnrồ màh tòm Betel mơ Dan.

II Ală Bơtau 17:16

Bol khai pơndang sang jơh ală bơta boh lam Jehôwa Yàng Tom Trồ bol khai dê mơ lơh bol khai in rùp pac sềr bàr nơm kòn kơnrồ, bol khai bơtào ală jrong duh khoai Asera, duh khoai jơh ală sơmañ đang trồ, mơ duh broă Baal.

II Ală Bơtau 23:5

Bơtau kung bơtrơh ală cau gơnoar ơn phan duh khoai ală yàng rùp ràk mơ ală cau bơtau Juda neh bơtào gơs, nàng chu kơlhô hơđang ală tiah jơnhoa tòm ală ƀòn Juda mơ tòm ală tiah gùt dar Jerusalem; kung bơtrơh ală cau gơnoar ơn phan pơdơng Baal, mattơngai, mat kơnhai, mơ jơh ală sơmañ hơđang trồ in.

II Yal Yau 11:15

Mơ pồ bơtào is khai in ală cau gơnoar ơn phan duh khoai ală tiah jơnhoa in mơ di đap ală rùp be mơ kơnrồ mơ khai neh lơh gơs.

II Yal Yau 13:8

Mơ tŭ do bol mê kơlôi lah bol mê rgơi tòmdră jai mơ lơgar bơtau Yàng Jehôwa dê ơm tòm tê ală kòn klau Dabit dê, tài bơh bol mê gơs gal ngan bal mơ rùp kòn kơnrồ mơ màh mơ Jerôbôam neh lơh gơs yàng bol mê in.

Esai 46:2

Bol khai gơpừ mơ kun tơmù bal mơ gơp; ò rgơi dong tă bơta ơnòng kơnjơ̆, bơh să tòm bol khai kung gơkòl kup cèng.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Sră Ôse 4:15

Ơ Israel, bulah mê lơh dri tơlàr kung bañ lòi Juda gơlik tìs glài. Bañ lòt hơ Gilgal; bañ guh hơ Bet Aben. Bañ srat să mơ lah: “Ngan be Yàng Jehôwa kis gam sùm sùm.”

Sră Ôse 5:8

Uh tĕ kơwào tòm Gibea, uh tĕ kơlwòk tòm Rama. Driau dờng yal tơnggit tĕ tòm Bet Aben, Ơ Benjamin sền rmê tĕ bơh đah ngkòi mê.

Sră Ôse 9:1

Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.

Sră Ôse 9:11

Bơta gơklŏ Epraim dê rơp par roh thit be sềm; ò deh, ò bun, ò ƀô bun.

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Sôphôni 1:4

Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;

Broă 19:27

Behơ̆, ò di mìng broă kă bro he dê roh bơta dòn kơnòm lơm ò, mơya hìu duh khoai yàng ùr dờng Dian dê kung gơkòl sền òsơp, mơ bơta dờng ryŭ yàng ùr dê tòm làm Asia bal mơ dunnia duh khoai kung rơp roh jơh gơklŏ sơl.”

Jôsue 7:2

Jôsue sồr cau lòt bơh Jerikô tus hơ Ahi rềp Bet Aben đah mattơngai lik Betel dê, mơ đơs mơ bol khai lah: “Guh tĕ sền òm ù tiah hơ̆.” Gen ală cau hơ̆ guh sền òm ƀòn Ahi.

Ală Kwang Cahrña 18:24

Mika ho lah: “Bol mê pìt ai ală yàng añ neh lơh gơs bal mơ cau gơnoar ơn phan duh khoai añ jê, mơ cèng lòt. Ñchi phan lơi gam mơ añ taih? Mbe bol mê rgơi lùp lah: Ñchi gơlik gơs di mê taih?”