Sră Ôse 10:4 - Sră Goh 2018

⁴ Bol khai đơs jơnau ò kwơ, bol khai srat să gòi, mơ lơh ală bơta ho bal; gen tàng bơta yă wơn gơhòn lik be ñhơt bih khih tòm sre neh lơòr.

Sră Ôse 10:4 ပူးပေါင်းရင်းမြစ်များ

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Amôs 5:7

Ôih, bol mê la ală cau tòmgơl bơta song ring gơlik gơs bơta sràt bơtang, mơ sơrbì bơta song ring tòm ù!

Amôs 6:12

Ală ơseh ntoat hơđang lŭ ơ? Cau rgơi troă dàlềng mơ kơnrồ sơl ơ? Mơya bol mê neh tòmgơl bơta song ngan gơlik gơs bơta bih khih, mơ tòmgơl plai song ring gơlik gơs sràt bơtang.

Broă 8:23

Bơh añ gŏ mê gam ơm tòm plai mat bơtang mơ tòm sreng bơta tồi glài iơh bơsak dê.”

Rôma 1:31

bơrngơl gơla, ò lơh jat jơnau ho bal, ò gơs nùs kòñ gơboh bal be òs, ò gơs nùs kòñ nđàc.

Yal Wơl 29:18

Lơh nền tĕ tòm ngai do lah ò gơs cau klau hala cau ùr, hìu nhă hala jơi bơtiàn lơi digùl bol mê tòmgơl nùs, sang lòi Jehôwa Yàng Tom Trồ bol mê dê mơ lòt duh khoai ală yàng làng bol hơ̆ dê. Lơh nền tĕ nàng digùl bol mê ò gơs ryas gơtơnggơs phan bih khih mơ plai bơtang.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

II Timôthe 3:3

ò gơs nùs nđàc, kalke gơsòc sòr wơl, jak đơs joh lah, ò git kơrhia, jàñ bơsak, ò gơboh di bơta niam,

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;