Sră Ôse 10:12 - Sră Goh 2018

¹² Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Sră Ôse 10:12 ပူးပေါင်းရင်းမြစ်များ

Đơs Crih 105:4

Jòi jat tĕ Yàng Jehôwa mơ bơta pràn kơldang Kơnràñ dê, Jòi jat tĕ muh mat Kơnràñ dê sùm.

Đơs Crih 72:6

Dan ai khai in gơlik be mìu dùh hơđang ñhơt pa pès, Be dà mìu tuh hơđang ù.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Cau Bơto 11:6

Tòm àng drim, sih tĕ gar sơntìl mê dê, tus di trồ mho bañ lòi tê mê dơh wơl; bơh mê ò git gar sơntìl lơi rơp hòn niam, sơntìl do, hala sơntìl ne, hala jơh bàr bơta geh hòn niam lơm.

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 32:20

Lơngai bol mê in tòm tŭ sih gar rềp di kòp nơm croh dà, mơ lòi ală kơnrồ mơ alàng lòt sa ñhơt khat gơboh.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 45:8

Ơ ală tap trồ hơđang đùh tĕ dà tŭ, mơ lòi tĕ ală tap trồ đùh mìu bơta song ring. Lòi tĕ plai ù gơ pò, nàng hòn cat bơta dong klàs, lòi tĕ bơta song ring kung hòn cat. Añ la Yàng Jehôwa neh crơng gơs gơ.”

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 55:6

Jòi jat tĕ Yàng Jehôwa tòm tŭ rgơi bàn Kơnràñ; hòi dan tĕ mơ Kơnràñ tòm tŭ Kơnràñ ơm rềp.

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Ejekiel 34:26

Añ rơp ai lơngai bol gơ in bal mơ tiah gùt dar dòr añ jê. Añ rơp đùh mìu di di kơnhai gơ dê, hơ̆ rơp la mìu lơngai lơngò.

Sră Ôse 12:6

Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Sră Ôse 8:7

Bol khai neh sih càl mơ rơp toès rbut dờng. Kòi bol khai dê ò hòn niam; gơ rơp ò gơlik gar. Dilah gơ gơlik gar, gen cau làng bol bơdìh rơp sa loan jơh.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Amôs 5:4

Yàng Jehôwa đơs mơ hìu Israel be do: “Jòi jat tĕ Añ mơ geh kis;

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Amôs 5:8

Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Luka 13:24

“Pơnđơl tĕ jơh pràn mut tòm mpồng wềt, bơh Añ đơs mơ bol mê, oă cau rơp jòi gùng kòñ mut mơ ò rgơi.

Broă 2:18

Di ngan, tòm ală ngai hơ̆ Añ rơp tuh Hwềng Goh Añ hơđang ală dĭ klau mơ dĭ ùr Añ jê, Bol khai rơp đơs hwơr.

II Kôrintô 9:10

Yàng Tom Trồ la Bơtau ai gar sơntìl cau sih gar in mơ piang lă nàng sa, rơp ai gar sơntìl oh mi in, lơh gơ in gơlik gơs lìu làc, kung rơp bơtơl ală plai bơta song ring oh mi dê sơl.

Jakơ 3:18

Ală cau sih bơta ring lơngai la ală cau bơt bơtào bơta ring lơngai, gen bol khai toès bơta song ring.