Sră Ôse 10:11 - Sră Goh 2018

¹¹ Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Sră Ôse 10:11 ပူးပေါင်းရင်းမြစ်များ

Esai 28:24

Cau lơòr sre nàng sih kòi, ò di pơnjat lơòr sùm ò ơ? Khai ò di kư̆ pơnjat pŏ mơ tơnrài ù ò ơ?

Jeremi 28:14

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: Añ neh ơn yô mơ lòs hơđang ngko kòp lơgar do, nàng bol khai pal duh broă Nebukatnessar, bơtau Babilôn. Mơ tai, bol khai pal duh broă khai, mơ Añ neh ai ală jơi phan poan jơng tòm brê khai in sơl.’”

Jeremi 46:20

Ejiptơ la dô nơm kơnrồ dra niam mơnĕ, mơya kòl dô nơm tòt bơh đah đang tus cik gơ.

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Sră Ôse 11:4

Añ neh tề lam bol khai mơ che lơbơn niam kòn mơnus dê, mơ che kòñ gơboh; Añ neh tă yô bơh di ngko bol khai dê mơ kun tơmù nàng siam bol khai.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Sră Ôse 4:16

Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Sră Ôse 9:1

Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.

Mice 4:13

Ơ Kòn ùr Siôn, guh tĕ mơ pơrjòt tĕ! Bơh Añ rơp lơh ai in ală ngke mơ lòs, mơ ală nđias jơng mơ kòng; mơ ai rơp pòng bơcah lề lac oă làng bol. Ai rơp ơn phan bol khai tòmpìt geh Yàng Jehôwa in, ơn bơta pas sơm bol khai dê Yàng Jehôwa in la Yàng jơh dunnia dê.”

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Yal Wơl 25:4

Bañ gla bơr kơnrồ tòm tŭ gơ pơrjòt kòi.