Sră Ôse 1:7 - Sră Goh 2018

⁷ Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

Sră Ôse 1:7 ပူးပေါင်းရင်းမြစ်များ

II Ală Bơtau 19:29

Ơ Ejekia, kơnòm di tềl sơnio do mê đal git lah jơnau do rơp gơlik tòm toh: Nam do, bol mê rơp sa gar sơntìl hòn is; nam dơ̆ bàr sa phan gơrung is; mơya nam dơ̆ pe, bol mê rơp sih mơ toès, tam ño mơ sa plai gơ.

II Ală Bơtau 19:34

Bơh Añ rơp cang kìng ƀòn do mơ dong tă gơ, bơh Añ mơ bơh Dabit dĭ gơna Añ jê.’”

II Ală Bơtau 19:35

Tòm mang hơ̆, gơs dô nă cau gơnrơh Yàng Jehôwa dê lòt tus tòmlơh mơ sàl Asiri, mơ tơnchơt dô rhiang phàm jơt pram rbô nă. Àng ngai hìng, cau guh bơh bic, gen gŏ mpồl ling hơ̆ la ƀồc chơt lơm.

II Ală Bơtau 6:18

Tòm tŭ mpồl ling Aram mù tus nàng tòmdră mơ Elise; khai hòi dan mơ Yàng Jehôwa lah: “Dan Yàng lơh mat mpồl ling hơ̆ gơlik jơngo.” Behơ̆ Yàng Jehôwa lơh bol khai in jơngo mat, jat be jơnau hòi dan Elise dê.

Đơs Crih 33:16

Ò gơs cau bơtau lơi kơnòm di mpồl ling oă mơ geh dong klàs, Kung ò gơs cau ling lơi kơnòm di bơta pràn kơldang dờng mơ geh dong tă.

Đơs Crih 44:7

Mơya Yàng neh dong bol hi klàs di cau sò tơm di bol hi, mơ lơh ƀàssìl di cau gơjrañ kơuềng di bol hi.

Lik Ejiptơ 14:13

Môise ho wơl mơ làng bol lah: “Bañ rngòt, ntào kơ̆ tĕ mơ sền gŏ bơta dong tă Yàng Jehôwa dê rơp lơh gơlik gơs bol mê in tòm ngai do. Cau Ejiptơ mơ bol mê neh gŏ tòm ngai do gen bol mê rơp ò gơs tŭ lơi gŏ bol khai tai.

Lik Ejiptơ 14:30

Tòm ngai hơ̆, Yàng Jehôwa dong tă Israel klàs bơh di tê cau Ejiptơ; mơ Israel neh gŏ ƀồc cau Ejiptơ dê chơt di gah dàlềng.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 25:6

Bañ jat ală yàng ndai nàng duh broă mơ duh khoai bol gơ; bañ ai broă tê bol mê lơh gơs mơ bơrcek Añ gơjrañ, gen Añ rơp ò lơh glài bol mê tai.’

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Sră Ôse 1:8

Tơnơ̆ mơ tŭ Lôruhama lòi pô, Gômer bun tai mơ deh dô nă kòn klau.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

I Samuel 17:47

Jơh ală mpồl ling neh pơjum tềng do rơp git lah Yàng Jehôwa ò ngui đào mơ tà nàng dong tă; tài bơh bơta tòmlơh do la tòmlơh mơ Yàng Jehôwa, mơ Kơnràñ rơp jào jơh tơl nă bol mê tòm tê bol hi dê.”