Sră Ôse 1:10 - Sră Goh 2018

¹⁰ “Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Sră Ôse 1:10 ပူးပေါင်းရင်းမြစ်များ

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 32:12

Mơya Kơnràñ neh đơs lah: ‘Ngan behơ̆, Añ rơp ai bơta lơngai mê in, mơ lơh jơi bơtiàn mê in oă be bràs dàlềng, cau ò jai kòp tài bơh oă ir.’”

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Esai 64:8

Bulah behơ̆, Ơ Yàng Jehôwa, Kơnràñ la Bèp bol hi dê! Bol hi la ù kơnàng, Kơnràñ la Cau Tòm mòn gri; bol hi jơh tơl nă la broă tê Kơnràñ lơh.

Esai 65:1

Ală cau ò lùp Añ mơ neh jòi Añ; Añ neh geh bàn bơh ală cau ò jòi jat Añ. Añ neh đơs: “Do Añ, do Añ”, mơ dô nơm làng bol ò hòi lùp sơnđan Añ.

Esai 66:20

Yàng Jehôwa đơs lah: “Bol khai rơp cèng brê jơh ală gơp bơtiàn bol mê dê, bơh di jơh ală lơgar, hào ơseh, rơndeh tòmlơh, rơndeh pơdiang phan, alàng ơseh, làkđa, tus hơ mơnơm sàng goh Añ jê tòm Jerusalem, lơh gơs dô nơm phan ơn Yàng Jehôwa in. Bol khai rơp cèng bol hơ̆ kung be cau Israel cèng phan ơn mơ kòi mbo tus tòm hìu duh khoai Yàng Jehôwa dê, tòm dô nơm phan ngui sàng goh.”

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Sră Ôse 1:9

Gen Yàng Jehôwa đơs lah: “Tơmoh tĕ sơnđan khai la Lôammi, tài bơh bol mê ò di la làng bol Añ jê, mơ Añ ò di la Yàng Tom Trồ bol mê dê.”

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Hebrơ 11:12

Tài bơh hơ̆, kung bơh dô nă cau sền be neh chơt, mơya tơnggơs gal ngan be ală sơmañ hơ trồ, be bràs di gah dàlềng cau ò rgơi kòp.