Sră Jop 4:3 - Sră Goh 2018

³ Sền ne ồng neh bơto sồr oă cau, ồng neh lơh pràn kơldang ală tê lơbơn lơño.

Sră Jop 4:3 ပူးပေါင်းရင်းမြစ်များ

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Ejra 6:22

Bol khai ñô sa chò hòp bơta pơjum sa piang lă ò gơs kañ tòm poh ngai, tài bơh Yàng Jehôwa neh lơh bol khai in bềng lìu bơta hòn chò, mơ neh tơrwơl nùs Asiri dê hơ bol khai, tian gơs khai dong kòl bol khai tòm broă bơt bơtào hìu Yàng Tom Trồ la Yàng Tom Trồ Israel dê.

Sră Jop 16:5

Bơr añ kung chồl pơndòm nùs oh mi; Jơnau pơndòm pơniang sơndồi añ jê rơp lơh rài bơta jê sồt oh mi dê.

Sră Jop 29:11

Tòm tŭ tồr neh kơno, gen jòng ro añ, mơ tòm tŭ mat cau lơi neh gŏ, gen dô nùs mơ añ.

Sră Jop 29:15

Añ la gar mat cau jơngo in, Mơ jơng cau kwet gơlte in.

Sră Jop 29:16

Añ la bèp cau siơ̆u siar in, mơ añ dong kòl broă cau nac crih dê.

Sră Jop 29:21

Bol khai iat añ mơ kơp gơn, ơm mŏ mŏ nàng iat jơnau añ bơto sồr.

Sră Jop 4:4

Ală jơnau đơs ồng dê neh chồl bơtrut ală cau gơtup pừ, Mơ ồng neh lơh kơ̆ wền ală gơltang lơbơn lơño.

Jơnau Pơnđik 10:21

Bơr sơndồi cau song ring ròng siam oă cau; Mơya cau tùl gơla chơt tài bơh siơ̆u bơta git wă.

Jơnau Pơnđik 15:7

Sơndồi cau jak chài rsìh bơta git jak; Mơya nùs cau tùl gơla ò lơh behơ̆.

Jơnau Pơnđik 16:21

Cau lơi gơs nùs jak chài geh sơnđan la àng loh; Jơnau bơkah lơngồt gơbơtơl bơta git jak.

Esai 35:3

Lơh tĕ pràn ală mpàng tê lơbơn lơño in, lơh tĕ kơ̆ ală gơltang ơrơm in.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Sôphôni 3:16

Tòm ngai hơ̆, bol khai rơp đơs mơ Jerusalem lah: “Ơ Siôn! Bañ rngòt, bañ lòi tê ai dê lơbơn!

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Luka 22:43

Gơs dô nă cau gơnrơh bơh trồ tơlik mat mơ bơtơl pràn Kơnràñ in.

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Yal Wơl 3:28

Mơya ai tĕ jơnau gơnoar sồr Jôsue in, mơ chồl tĕ nùs khai khin cha mơ lơh tĕ khai in pràn kơldang, bơh khai rơp lam làng bol do tiă đah ne mơ lơh bol khai in dòp geh lơgar mơ mê rơp gŏ lơh gơs sre brê.”

Kôlôse 4:6

Jơnau đơs oh mi pal gơs bơta nđàc sùm sùm, mơ tĕ bơtơl boh, tồ oh mi in git pal ho wơl kòp nă cau in la mbe lơi.

Hebrơ 12:12

Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.