Sră Jop 22:7 - Sră Goh 2018

⁷ Ồng ò ai dà cau bòl glar òsô in hùc, Mơ ồng neh tă phan sa, bơh cau jơgloh.

Sră Jop 22:7 ပူးပေါင်းရင်းမြစ်များ

Sră Jop 31:16

Dilah añ neh tă sang bơta lơi cau rƀah kơp kòñ, Hala neh lơh mat cau ùr bơnrau dê siar roh,

Sră Jop 31:17

hala neh sa piang lă añ jê is dô nă, mơ kòn đòi ò geh sa gơ.

Sră Jop 31:31

Dilah ală cau tòm hìu nhă añ ò đơs lah: ‘Ô, kơp kòñ bol he neh geh sa hòm poac tòm hìu Jop dê!’

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Esai 58:10

dilah bol mê ai phan sa bol mê dê cau jơgloh in, mơ lơh hừh nùs ală bơta pal càng cau dồn sa in, gen bơta àng bol mê dê rơp pơnđàng sòl tòm tiah klam jơngo, mơ bơta jơngo bol dê rơp gơlik gơs kung be trồ gùl ngai.

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Ejekiel 18:16

Khai ò rồn bơklơn cau lơi hala dan phan ai bồ cau càn jền khai dê. Khai ò tìs glài ntung kơñau mơya khai pà phan sa khai dê cau jơgloh in, mơ ai ồi ào cau ơm kuh lòi rồ in.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Mathiơ 25:42

Bơh Añ jơgloh, bol mê ò ai Añ in sa; Añ tơhìr, bol mê ò ai Añ in hùc;

Rôma 12:20

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”