Sră Jop 2:3 - Sră Goh 2018

³ Yàng Jehôwa lùp Satan lah: “Mbe mê sền gŏ Jop la cau duh broă Añ jê taih? Hơđang plai ù ò gơs dô nă cau lơi be khai, wil tơl mơ song ring, la cau duh rngòt di Yàng Tom Trồ, mơ pleh ngài di bơta iơh bơsak. Khai ơm kơ̆ tòm bơta song ring khai dê, bulah mê neh bơchồt Añ tòmdră mơ khai ò bồ.”

Sră Jop 2:3 ပူးပေါင်းရင်းမြစ်များ

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

II Samuel 20:20

Jôap ho lah: “Ò, ò di behơ̆! Añ ò kòñ sa loan hala tơnroh!

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 1:11

Mơya tŭ do pò tĕ tê Yàng dê ƀư di jơh ală phan khai neh gơs, gen khai rơp srat sơntơm di đap mat Yàng mo!”

Sră Jop 1:6

Gơs dô ngai ne, ală cau gơnrơh lòt tus tơlik mat bol khai di đap Yàng Jehôwa, mơ Satan kung lòt tus bal mơ bol khai sơl.

Sră Jop 1:8

Yàng Jehôwa lùp Satan tai lah: “Mbe mê sền gŏ Jop la cau duh broă añ jê taih? Hơđang plai ù ò gơs dô nă cau lơi be khai, wil tơl mơ song ring, duh rngòt di Yàng Tom Trồ, mơ pleh ngài di bơta iơh bơsak.”

Sră Jop 13:15

Do, Yàng rơp tơnchơt añ, añ ò gơs bơta gơn kơnòm. Mơya añ rơp dong tò gùng dà añ jê di đap mat Kơnràñ.

Sră Jop 2:2

Yàng Jehôwa lùp Satan lah: “Mbơh mê tus taih?” Satan ho mơ Yàng Jehôwa lah: “Añ lòt yơng tòm plai ù, mơ lòt ma kiau làm bă tiah.”

Sră Jop 2:4

Satan ho Yàng Jehôwa lah: “Ai gơltau tơm gơltau; jơh ală phan mơna cau gơs nàng tơm ala bơta kis khai dê.

Sră Jop 9:17

Bơh Kơnràñ tơnlề añ tòm càl rbut dờng, Mơ bơtơl oă tềl sồt añ in ò bồ.

Sră Jop 9:20

Bulah añ ò gơs glài, bơr añ rơp kup glài añ; Dilah añ wil tơl, Kơnràñ rơp lơh cơng añ la cau neh rkwet rkwe.

Đơs Crih 26:1

Ơ Yàng Jehôwa, dan dong tò añ, bơh añ neh lòt tòm bơta song ngan añ jê, Añ kung dòn kơnòm di Yàng Jehôwa ò gơlơnggac.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Đơs Crih 41:12

Mơya Kơnràñ neh yò đo añ tài bơh bơta song ngan añ jê, Mơ ai añ in ntào kơ̆ sùm sùm di đap Kơnràñ.

Jơnau Pơnđik 11:8

Cau song ring geh dong klàs bơh bơta gơlòng bòl glar, Mơ cau rhung rhang gơdùh tềng hơ̆ ala khai in.

Jơnau Pơnđik 13:6

Bơta song ring sền gàr gùng dà cau lơh lòt song ngan; Mơya tồi glài tuh tơlup cau iơh bơsak.

Jơnau Pơnđik 14:2

Cau lơi lòt jat bơta song ngan duh rngòt Yàng Jehôwa; Ai cau lơi lơh lòt rkwet rkwe sền òsơp di Kơnràñ,

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 16:17

Gùng ơnàng bơta song ngan dê hơ̆ la pleh ngài bơta iơh; Cau lơi sền gàr gùng lòt broă lơh he gen gàr hwềng soàn he.

Jang 9:3

Yàng Jesu ho lah: “Hơ̆ ò di tài bơh cau do hala mè bèp khai neh tìs glài ò, mơya nàng ală broă Yàng Tom Trồ dê geh yal tơlik tòm khai.

Philip 3:12

Hơ̆ ò di la añ neh geh rau, hala neh tus di bơta wil tơl ò, mơya añ gam ntoat tồ sơmbat geh, bơh să tòm añ neh geh Yàng Krist Jesu sơmbat rau.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.