Sră Jop 17:4 - Sră Goh 2018

⁴ Yàng neh til dơngoh kơlôi bol khai dê ò git wă; Gen tàng Yàng ò ai bol khai in geh pha lin rlau.

Sră Jop 17:4 ပူးပေါင်းရင်းမြစ်များ

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Sră Jop 12:20

Kơnràñ tă tơlik cau chài đơs la ală cau geh dòn kơnòm; Mơ tă tơlik bơta dòp git ală cau kwang kra dê.

Sră Jop 17:5

Cau lơi tài bơh phan ƀàn mơ pơndang sang ală cau bơyô he dê, Gen mat kòn sau khai dê rơp roh rui.”

Esai 19:14

Yàng Jehôwa neh đùh hơđang bol khai dô nơm hwềng bơta tìs gùng dê, gơlơh cau Ejiptơ in tìs nrah tòm ală broă bol khai lơh, gơlơh kung be cau bơñul ñô lòt gơtòmsèng gùt dar mơ gơbruh hă.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Rôma 11:8

be neh cih lah: “Yàng Tom Trồ neh ai bol khai in hwềng nùs ò git kơlôi, Mat ò gŏ, tồr ò kơno jơl tus di ngai do.”

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?