Sră Jop 10:9 - Sră Goh 2018

⁹ Dan Yàng kah wơl la Yàng neh mòn añ mơ ù kơnàng, Mơ tŭ do Yàng kòñ lơh añ in rê wơl tòm kơmbuh ù ơ?

Sră Jop 10:9 ပူးပေါင်းရင်းမြစ်များ

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sơnròp Gơlik Gơs 3:19

Mê rơp gơlik kơlhề muh mat sồng gơs geh phan sa jơl tus ngai mê rê wơl tòm ù, la tiah mê neh lik gơs, bơh mê la kơmbuh ù, mê rơp rê wơl tòm kơmbuh ù.”

Sră Jop 10:10

Yàng ò di neh tuh tơlik añ be dà toh, Mơ lơh añ in khơt wơl kung be dơngi dà toh,

Sră Jop 17:14

Dilah añ neh đơs mơ bơtô ƀồc lah: ‘Mê la bèp añ,’ Mơ đơs mơ tu rhài lah: ‘Bol mê la mè añ’ hala ‘ruh lŏ añ,’

Sră Jop 33:6

Di đap Yàng Tom Trồ añ kung be ồng, Añ kung neh geh mòn gơs bơh dô pet ù kơnàng.

Sră Jop 34:15

Gen jơh ală poac să rơp kòl roh rui bal mơ gơp, mơ jơh ală kòn mơnus rê wơl hơ kơmbuh ù.

Sră Jop 4:19

Tơ ài lah ală cau ơm tòm ală hìu mơ ù kơnàng, Gơs mơnàng tòm kơmbuh ù, bol khai kong tơnlề be dô nơm mŏ!

Sră Jop 7:21

Ñchi bơh tài Yàng ò toh ală bơta tìs añ jê, Mơ ò tă ngài ală bơta tồi glài añ jê taih? Bơh tŭ do añ rơp bic tòm ù; Yàng rơp jòi añ, mơya añ rơp ò gam gơs tai.”

Sră Jop 7:7

Ơ Yàng Tom Trồ, dan kah tĕ lah bơta kis añ jê kung be nhơm tă; Gar mat añ rơp ò gơs tŭ lơi gŏ bơta niam tai.

Đơs Crih 103:14

Bơh Kơnràñ git bol he geh crơng gơs mbe lơi, Kơnràñ kah wơl lah bol he la kơmbuh ù.

Đơs Crih 104:29

Tòm tŭ Yàng pồn mat gen bol gơdơrcul. Tòm tŭ Yàng tă tơlik nhơm bol gơ dê, gen bol gơ chơt, mơ rê wơl hơ kơmbuh ù.

Đơs Crih 106:4

Ơ Yàng Jehôwa, dan kah añ tòm tŭ Kơnràñ ai bơta nđàc làng bol Kơnràñ in; Dan dong kòl añ tòm tŭ Kơnràñ dong tă bol khai.

Đơs Crih 22:15

Bơta pràn kơldang añ jê ro be nsàng glah, Mơ lơmpiat añ gơđềt di dò; Yàng neh tơmbic añ tòm thul ơmul bơta chơt dê.

Đơs Crih 25:18

Dan sền sơwì bơta bòl glar kalke mơ bơta dồn sa rƀah añ jê, mơ toh jơh ală tồi glài añ jê.

Đơs Crih 78:39

Kơnràñ kah bol khai mìng la kòn mơnus lơm, Kung be dô nơm càl khồm mơ ò rê wơl tai.

Đơs Crih 89:47

Ơ Yàng, dan kah wơl rài kis cau dê la liah kàr lơi, Mơ kah bơh tơnggume lơi mơ Yàng neh crơng gơs jơi kòn mơnus.

Đơs Crih 90:3

Yàng tơnrê kòn mơnus tòm kơmbuh ù Mơ đơs lah: “Ơ ală kòn mơnus, rê wơl tĕ tòm ù.”

Cau Bơto 12:7

Mơ kơmbuh ù rê wơl mơ ù kung be bơh sơnròp gơ la ù, mơ hwềng soàn rê wơl mơ Yàng Tom Trồ, la Bơtau neh ai gơ.

Esai 45:9

Bòl glar ală cau in pơnđơl pơrlòng mơ Bơtau neh crơng gơs he, khai mìng la dô nơm gri mơ ù tòm ală gri lơh mơ ù. Ù kơnàng rgơi đơs sơl mơ cau chài mòn gơ lah: “Ñchi mê lơh taih?” Hala đơs: “Ală phan mê lơh gơs ò hoan chài tê,” sơl ơ?

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Esai 64:8

Bulah behơ̆, Ơ Yàng Jehôwa, Kơnràñ la Bèp bol hi dê! Bol hi la ù kơnàng, Kơnràñ la Cau Tòm mòn gri; bol hi jơh tơl nă la broă tê Kơnràñ lơh.

Jeremi 18:6

“Ơ hìu Israel, gơwèt mơ bol mê Añ ò rgơi lơh kung be cau chài mòn glah do lơh ò ơ? Ơ hìu Israel, ù kơnàng ơm tòm tê cau chài mòn mbe lơi, gen bol mê kung ơm tòm tê Añ behơ̆ sơl.

Rôma 9:21

Cau tòm mòn gri ò di gơs gơnoar hơđang ù kơnàng, bơh tòm dô gơnru ù mơ lơh gơs gri ngui tòm bơta niam ryŭ, mơ gri ndai ngui tòm bơta ò diă ò diơng ò ơ?

II Kôrintô 4:7

Mơya bol hi ơn phan màng do tòm gri mơ ù, tồ yal tơlik gơnap gơnoar dờng rlau jơh do la bơh Yàng Tom Trồ, ò di la bơh bol hi.