Sră Jop 1:3 - Sră Goh 2018

³ Khai gơs poh rbô belàt, pe rbô làkđa, pram rhiang yô kơnrồ, pram rhiang alàng me, mơ oă ngan cau duh broă. Gen tàng khai la cau pas gơs tiơng pơnro rlau jơh tòm ală làng bol ơm đah mattơngai lik.

Sră Jop 1:3 ပူးပေါင်းရင်းမြစ်များ

Sơnròp Gơlik Gơs 12:16

Tài bơh khai gen Pharaôn wă rò niam Abram mơ Abram dòp geh belàt, kơnrồ, alàng dam, alàng me, làkđa, dĭ klau mơ dĭ ùr.

Sơnròp Gơlik Gơs 12:5

Abram lam Sarai, bau khai, Lot, kòn cau oh khai mơ jơh ală phan mơna khai neh pơjum, mơ ală dĭ gơna khai neh geh tòm Caran, lik bơh hơ̆ nàng lòt tus hơ lơgar Kanaan.

Sơnròp Gơlik Gơs 13:6

Ù hơ̆ ò tơl nàng bàr nă bol khai in ơm bal, bơh ală phan khai dê oă ngan gen tàng bol khai ơm bal ò diơng.

Sơnròp Gơlik Gơs 24:35

Yàng Jehôwa neh ai lơngai cau tòm añ in oă ngan, khai gơs pas sơm, Kơnràñ ai cau tòm añ in belàt, kơnrồ, priă, màh, dĭ ùr, dĭ klau, làkđa mơ alàng.

Sơnròp Gơlik Gơs 25:6

Mơ ai ală phan kòn ală bau cồng khai dê, gen tòm tŭ gam kis, khai sồr bol hơ̆ lòt ơm hơ đah mattơngai lik, ngài bơh Isak kòn klau khai.

Sơnròp Gơlik Gơs 29:1

Gen Jakôp lòt gùng tus hơ lơgar làng bol đah mattơngai lik dê.

Sơnròp Gơlik Gơs 32:14

bàr rhiang nơm be me mơ bàr jơt nơm be dam, bàr rhiang nơm belàt mơ bàr jơt nơm belàt dam;

Sơnròp Gơlik Gơs 34:23

Gen behơ̆, ală phan poan jơng, ală phan mơna mơ ală phan ròng ndai bol khai dê rơp gơrê bal mơ bol he ò ơ? Bol he lơh jat tĕ bol khai tòm bơta hơ̆ nàng bol khai ơm bal mơ bol he.”

II Samuel 12:2

Cau pas gơs oă ngan belàt mơ kơnrồ,

I Ală Bơtau 4:30

Bơta jak chài Salômôn dê la dờng rlau mơ bơta jak chài jơh ală cau ơm đah mattơngai lik, mơ dờng rlau mơ bơta jak chài jơh ală cau Ejiptơ dê.

II Ală Bơtau 15:20

Menahem tă ai priă hơ̆ bơh di làng bol Israel, hơ̆ la di ală cau gơs oă sre brê, kư̆ kòp nă pram jơt sieklơ priă, nàng jào bơtau Asiri in. Behơ̆ bơtau Asiri rê, mơ ò ơm jŏ tòm lơgar.

II Ală Bơtau 3:4

Tŭ hơ̆ bơtau Mesa lơgar Môap dê, cau ròng belàt, khai òs cèng ơn bơtau Israel in dô rhiang rbô nơm belàt kòn, mơ sơnò dô rhiang rbô belàt dam.

I Yal Yau 27:30

Hơđang ală làkđa gơs Ôbil cau Ismael. Hơđang ală alàng gơs Jedeja cau Merônôt.

II Yal Yau 26:10

Khai kung bơt bơtào ală theng jòng jơnhoa tòm ƀlàng ngềt ngơt mơ tò oă tơrlung dà, tài bơh khai gơs oă mpồl phan poan jơng di jơng ală mơnơm mơ tòm ală ƀlàng ring. Khai gơs làng bol lơh broă tòm ală ƀlàng sre mơ tòm ală suơn ño khai dê tòm ală mơnơm dềt mơ ală tiah gơs ù bơkah, tài bơh khai kòñ gơboh di ù tiah.

II Yal Yau 32:29

Khai kung bơt ală ƀòn dờng să tòm khai in mơ geh oă ngan mpồl belàt mơ kơnrồ, bơh Yàng Tom Trồ neh ai khai in bơta pas sơm oă ngan.

Sră Jop 1:10

Yàng ò di neh lơh dô nơm pơnggàr gùt dar khai, hìu nhă khai mơ jơh ală phan gơrê bal mơ khai, tòm kòp đah ò ơ? Yàng neh ai lơngai ală broă tê khai neh lơh, mơ lơh ală phan mơna khai dê gơbơtơl oă tòm lơgar.

Sră Jop 1:4

Ală kòn klau khai dê òs yò sa dờng jat wềr bơh hìu cau do tus di hìu cau ndai dê, mơ sồr jà pe nă lŏ ùr bol khai dê tus ñô sa bal mơ bol khai.

Sră Jop 21:28

Bơh oh mi đơs lah: ‘Ntềng đah hìu cau kwang at bồ taih? Ntềng đah sàl cau iơh bơsak neh ơm taih?’

Sră Jop 29:25

Añ sac rwah gùng bol khai dê, mơ nggui be cau at bồ, Añ ơm kis be cau bơtau digùl ală mpồl ling khai dê, Añ ò gơkrơi kung be dô nă cau pơndòm pơniang ală cau moat jrùng ñìm rac.”

Sră Jop 31:25

Dilah añ neh hòn chò bơh bơta pas gơs añ jê la dờng, Mơ bơh tê añ neh geh oă phan mơna;

Sră Jop 31:37

Añ rơp yal loh khai in git bơh kòp cơnđòa lòt añ jê, Añ rơp tus rềp di khai be dô nă kòn bơtau.

Sră Jop 42:10

Mơ Yàng Jehôwa tơm wơl mơ ai Jop in geh bơta bơtoah bơtoài, tòm tŭ khai neh hòi dan ală cau bơyô khai in, mơ Yàng Jehôwa ai Jop in bàr dơ̆ oă rlau mơ ală phan khai neh gơs bơh lài.

Sră Jop 42:12

Yàng Jehôwa ai lơngai khai in tòm ală ngai lồi dut rài kis Jop dê oă rlau mơ ală ngai sơnròp; mơ khai gơs jơt poan rbô belàt, prau rbô làkđa, dô rbô yô kơnrồ; mơ dô rbô alàng me.

Jơnau Pơnđik 10:22

Bơta lơngai bơh Yàng Jehôwa dê lơh gơlik pas gơs: Kơnràñ ò bơtơl tai bơta moat jrùng lơi ò.

Jeremi 49:28

Bơh Keda mơ ală lơgar bơtau Hajor mơ Nebukatnessar bơtau Babilôn neh lơh alah. Yàng Jehôwa đơs be do: “Guh tĕ, lòt lơh Keda, Tơnroh ală làng bol đah mattơngai lik.

Khà Làng Bol 23:7

Gen Balaam đơs ală jơnau đơs hwơr do: “Balak neh cèng añ tus bơh di Aram, bơtau Môap neh tus bơh di ală mơnơm đah Mattơngai lik. Khai đơs lah: ‘Tus tĕ srat sơntơm Jakôp añ in; tus tĕ yă wơn Israel.’

Ală Kwang Cahrña 6:3

Tŭ lơi làng bol Israel neh sih kòi, gen làng bol Midian mơ làng bol Amalek, bal mơ ală làng bol đah mattơngai lik guh tòmlơh mơ Israel.

Ală Kwang Cahrña 6:5

Bơh bol khai guh cèng bal phan poan jơng mơ sàl bol khai dê, tus oă kung be srah nting; bol khai mơ làkđa bol khai dê oă ngan ò jai kòp; bol khai tòmpìt lơgar mơ tơnroh.

Ală Kwang Cahrña 7:12

Làng bol Midian, làng bol Amalek bal mơ ală làng bol bơh đah mattơngai lik ơm tòm thòng gal ngan gơlơh kung be srah nting. Làkđa bol khai dê oă ò git nđò, ò rgơi kòp kung be bràs di gah dàlềng.

Ală Kwang Cahrña 8:10

Tŭ hơ̆, Jeba mơ Jalmuna ơm tòm Karkôr bal mơ mpồl ling bol khai dê pơgap jơt pram rbô nă, hơ̆ la jơh ală cau gam wơl tòm mpồl ling ală cau đah mattơngai lik dê: dô rhiang bàr jơt rbô nă cau at phan tòmlơh neh kong tơnchơt.

I Samuel 25:2

Gơs dô nă cau tòm Maan mơ gơs sre brê tòm Karmel, la cau pas gơs ngan. Khai gơs dô rbô be mơ pe rbô belàt, mơ khai ơm siat sơnò belàt tòm Karmel.

I Samuel 27:9

Dabit brồ lơh ƀòn lơi gen khai ò lòi kis dô nă cau klau hala dô nă cau ùr lơi, mơya khai kup cèng ală belàt, ală kơnrồ, ală alàng, ală làkđa mơ ală ồi ào, gen rê wơl hơ Akis.