Sră Age 2:9 - Sră Goh 2018

⁹ ‘Bơta gơklŏ hìu do dê rơp dờng rlau mơ bơta gơklŏ hìu yau dê.’ Yàng Jehôwa Gơnap Gơnoar Dờng Làm Jơh đơs behơ̆. ‘Mơ tòm tiah do Añ rơp ai bơta pas gơs lơngap lơngai,’ Yàng Jehôwa Gơnap Gơnoar Dờng Làm Jơh đơs behơ̆.”

Sră Age 2:9 ပူးပေါင်းရင်းမြစ်များ

Esai 60:7

Jơh ală mpồl phan poan jơng bơh Kedar rơp geh tơrgòm wơl tus hơ mê, ală belàt dam Nebayôt dê rơp lơh gơs phan duh broă mê in; bol gơ rơp geh dòp lơh gơs phan ơn hơđang cơnòng duh khoai Añ jê, mơ Añ rơp lơh gơklŏ hìu duh khoai gơklŏ Añ jê.

Esai 66:12

Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Ejekiel 43:5

Gen Hwềng yò añ tơngguh mơ cèng añ mut tòm ƀlàng dơlam; mơ bơta gơklŏ Yàng Jehôwa dê bềng lìu hìu duh khoai.

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Sră Age 1:8

Guh tĕ hơđang ală mơnơm mơ cèng brê mpàn nàng bơt bơtào hìu do, tồ lơh Añ in niam nùs bơh bơta hơ̆ mơ geh jòng ro,’ Yàng Jehôwa đơs behơ̆.

Sră Age 2:3

‘Ñcau la cau gam wơl tòm bol mê neh sền gŏ hìu do tòm bơta gơklŏ yau gơ dê taih? Tŭ do bol mê gŏ gơ mbe lơi taih? Gơwèt mơ bol mê, gơlơh kung be la ò kwơ ơ?’

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Jakơ 2:1

Ơ oh mi añ jê, oh mi neh dòn Yàng Jesu Krist la Yàng gơklŏ bol he dê, gen bañ cah is cau lơi.