Sră Age 2:7 - Sră Goh 2018

⁷ Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Sră Age 2:7 ပူးပေါင်းရင်းမြစ်များ

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

I Ală Bơtau 8:10

Tòm tŭ ală cau gơnoar ơn phan duh khoai lik bơh di Tiah Sàng Goh, gen gơs mhwal bềng lìu tòm hìu duh khoai Yàng Jehôwa dê,

I Ală Bơtau 8:11

tian gơs ală cau gơnoar ơn phan duh khoai ò rgơi ntào tềng hơ̆ nàng duh broă tài bơh mhwal; bơh bơta gơklŏ bềng lìu hìu duh khoai Yàng Jehôwa dê.

II Yal Yau 5:14

tian gơs ală cau gơnoar ơn phan duh khoai ò rgơi ntào duh broă, tài bơh gơs mhwal; bơh bơta gơklŏ Yàng Jehôwa dê bềng hìu duh khoai Yàng Tom Trồ dê.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Đơs Crih 85:9

Ngan bơta dong klàs Kơnràñ dê ơm rềp di ală cau duh rngòt di Kơnràñ, tồ bơta gơklŏ rgơi ơm tòm lơgar bol he.

Esai 2:19

Mut tĕ tòm ală rgồng lŭ, mơ tòm ală trồm tòm ù nàng pleh klàs bơh di bơta rngòt rngơt Yàng Jehôwa dê, mơ bơh bơta gơklŏ mơ ryŭ ryơm Kơnràñ dê, tòm tŭ Kơnràñ guh nàng lơh rngòt rngơt plai ù.

Esai 60:4

Pò tĕ mat mê dê mơ sền gùt dar: Jơh tơl nă pơjum bal mơ lòt tus hơ mê; ală kòn klau mê dê tus bơh tiah ngài, mơ ală kòn ùr mê dê rơp geh ròng kơnđu tòm tơwòr tê.

Esai 60:7

Jơh ală mpồl phan poan jơng bơh Kedar rơp geh tơrgòm wơl tus hơ mê, ală belàt dam Nebayôt dê rơp lơh gơs phan duh broă mê in; bol gơ rơp geh dòp lơh gơs phan ơn hơđang cơnòng duh khoai Añ jê, mơ Añ rơp lơh gơklŏ hìu duh khoai gơklŏ Añ jê.

Ejekiel 21:27

Dô gơnru tơrlah tơrling! Dô gơnru tơrlah tơrling! Añ rơp lơh gơ in gơlik gơs dô gơnru tơrlah tơrling! Gơ rơp ò geh bơt wơl tai jơl tus di tŭ tus Bơtau mơ khai gơrê bal dô bă di pal; Añ rơp jào gơ Bơtau hơ̆ in.’

Ejekiel 31:16

Añ neh lơh ală làng bol in lơnggơr bơh ntas bơta gơpừ gơ dê, tòm tŭ Añ sơrbì gơ mù tòm bơtô ƀồc bal mơ jơh ală cau mù tòm bơtô. Gen jơh ală chi tòm Eden, ală chi geh sac rwah niam rlau jơh Liban dê, jơh ală chi geh tuh oă dà, geh pơndòm pơniang tòm plai ù hơđơm.

Ejekiel 38:19

‘Tòm bơta ƀoah gơjrañ mơ bơta gơjrañ dờng duh hơng Añ jê, Añ yal loh lah: tòm ngai hơ̆ rơp gơs lơnggơr ù dờng ngan tòm lơgar Israel.

Ejekiel 44:4

Gen cau hơ̆ neh cèng añ tus di đap hìu duh khoai bơh gùng mpồng pơnggàr đah đang. Añ rmê sền mơ neh gŏ bơta gơklŏ Yàng Jehôwa dê ơm bềng lìu tòm hìu duh khoai Yàng Jehôwa dê, mơ añ gơpừ gơcup blup mat tòm ù.

Sră Age 1:8

Guh tĕ hơđang ală mơnơm mơ cèng brê mpàn nàng bơt bơtào hìu do, tồ lơh Añ in niam nùs bơh bơta hơ̆ mơ geh jòng ro,’ Yàng Jehôwa đơs behơ̆.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Luka 19:47

Kòp ngai Kơnràñ bơto sồr tòm hìu duh khoai. Ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra tòm làng bol jòi bơta nàng tơnchơt Kơnràñ,

Luka 2:27

Khai gơs Yàng Hwềng chồl mut tòm hìu duh khoai; tòm tŭ mè bèp cèng kòn dềt la Jesu tus, nàng lơh Kơnràñ in jat bơta òs mòng bơta boh lam dê,

Luka 2:46

Tơnơ̆ mơ pe ngai bol khai bàn Kơnràñ tòm hìu duh khoai, ơm nggui digùl ală cau bơto, iat ndang lùp ndang.

Luka 20:1

Gơs dô ngai ne, Yàng Jesu ơm bơto sồr làng bol tòm hìu duh khoai mơ bơto yal Jơnau Niam, nisơna ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra lòt tus bal,

Luka 21:38

Gơ rơp rìng àng, jơh làng bol lòt tus hơ Kơnràñ tòm hìu duh khoai nàng iat Kơnràñ.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.