Sră Age 2:5 - Sră Goh 2018

⁵ ‘Jat be bơta ho bal Añ neh bơtào mơ bol mê tòm tŭ bol mê lik bơh Ejiptơ. Mơ Hwềng Añ gam ơm digùl bol mê, bañ rngòt.’

Sră Age 2:5 ပူးပေါင်းရင်းမြစ်များ

II Yal Yau 20:17

Bơta tòmlơh do la ò di bơh bol mê tòmlơh. Ơm tĕ di tiah bol mê; ntào kơ̆ tĕ mơ sền bơta pha lin Yàng Jehôwa dê ai bol mê in. Ơ Juda mơ Jerusalem, bañ rngòt mơ bañ gơplơ̆ nùs. Ngai hìng lik tĕ tòmdră mơ bol khai, mơ Yàng Jehôwa rơp ơm bal mơ bol mê.’”

Nehemi 9:20

Kơnràñ kung ai bol khai in Hwềng lơbơn niam nàng bơto bol khai. Mơ ò lơh sềt pơniă ai bol khai in sa mana, mơ dà bol khai in nàng hùc rài tơhìr.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Lik Ejiptơ 24:3

Tòm tŭ Môise lòt tus yal làng bol in jơh ală jơnau đơs mơ ală bơta boh lam Yàng Jehôwa dê, gen bol khai ho dô jơnau bal lah: “Bol hi rơp lơh jat jơh ală jơnau Yàng Jehôwa neh đơs.”

Lik Ejiptơ 24:8

Gen Môise ai mhàm rsìh hơđang làng bol mơ đơs lah: “Do la mhàm bơta ho bal mơ Yàng Jehôwa neh bơtào mơ bol mê tòm toh jat be jơh ală jơnau do.”

Lik Ejiptơ 34:10

Gen Yàng Jehôwa đơs lah: “Tŭ do Añ bơtào dô bơta ho bal mơ mê. Di đap jơh làng bol mê dê, Añ rơp lơh ală bơta krơi òhềt tŭ lơi gơs tòm dô nơm làng bol lơi hơđang jơh plai ù. Làng bol mơ mê gơrê bal rơp sền gŏ broă lơh rngòt rngơt ngan mơ Añ la Yàng Jehôwa rơp lơh mê in.

Lik Ejiptơ 34:8

Tŭ hơ̆ mo, Môise tơmbic să di tiah mơ duh khoai.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:13

Bơh Añ la Jehôwa Yàng Tom Trồ mê dê, rơp tề di tê ma mê mơ hơ̆ la Añ đơs mơ mê lah: “Bañ rngòt, Añ rơp dong kòl mê.”

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Sacari 8:15

gen tŭ do Añ kung lơh nền gơwèt niam mơ Jerusalem mơ Juda sơl. Bañ rngòt rngơt!

Mathiơ 28:5

Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Broă 27:24

mơ đơs lah: ‘Ơ Pol, bañ rngòt, mê pal lòt tus ntào di đap Sesa, mơ do, Yàng Tom Trồ neh ai mê in jơh ală cau hào ơhò bal mơ mê.’

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 8:1

Gen Yàng Jehôwa đơs mơ Jôsue lah: “Mê bañ rngòt, bañ gơplơ̆ nùs; lam tĕ jơh cau ling tòmlơh bal mơ mê, mơ guh tus hơ Ahi, bơh Añ neh jào tòm tê mê bơtau Ahi dê, bal mơ làng bol, ƀòn dờng mơ lơgar khai dê.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

I Samuel 12:20

Behơ̆, Samuel ho wơl mơ làng bol lah: “Bañ rngòt, bol mê neh lơh jơh ală bơta iơh bơsak do, bulah behơ̆ bañ wèt sang Yàng Jehôwa, mơya jơh tĕ nùs duh broă Yàng Jehôwa.