Sră Age 2:3 - Sră Goh 2018

³ ‘Ñcau la cau gam wơl tòm bol mê neh sền gŏ hìu do tòm bơta gơklŏ yau gơ dê taih? Tŭ do bol mê gŏ gơ mbe lơi taih? Gơwèt mơ bol mê, gơlơh kung be la ò kwơ ơ?’

Sră Age 2:3 ပူးပေါင်းရင်းမြစ်များ

I Yal Yau 22:5

Dabit đơs lah: “Salômôn kòn klau añ la dô nă cau kơnòm să mơ ò git làm, mơ hìu rơp geh bơt Yàng Jehôwa in pal ryŭ ryơm ngan, tiơng pơnro mơ àng gơklŏ di đap mat jơh ală làng bol. Gen tàng añ rơp rcang sir jơh ală phan nàng bơt hìu hơ̆.” Behơ̆ Dabit jơh nùs rcang sir ală bơta lài mơ tŭ khai chơt.

Ejra 3:11

Bol khai đơs chò tòmho bal jòng ro mơ ưnngài Yàng Jehôwa lah: “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm gơwèt mơ Israel.” Mơ jơh làng bol tòmho wơl mơ jơnau driau dờng jòng ro Yàng Jehôwa; tài bơh mơnàng hìu Yàng Jehôwa dê neh bơt bơtào.

Ejra 3:12

Mơya oă cau gơnoar ơn phan duh khoai, ală cau Lebi mơ ală cau at bồ ală hìu nhă, ală cau kra la ală cau neh gŏ hìu duh khoai yau, neh geh bơt hơđang mơnàng gơ dê; bol khai ñìm nggà dờng tòm tŭ bol khai neh gŏ hìu do, bulah behơ̆ oă jơnau driau dờng bơh bơta hòn chò ngan,

Esai 64:10

Ală ƀòn dờng sàng goh Kơnràñ dê neh gơlik gơs dô nơm ƀlàng bràs; Siôn neh gơlik gơs la dô nơm ƀlàng ngềt ngơt, Jerusalem la tiah sang lòi srau gòi.

Ejekiel 7:20

Bol khai neh jòng să bơh ală phan bơka să hàng mơnĕ bol khai dê, mơ ngui gơlơh gơs ală rùp ràk cù kìr bal mơ ală rùp duh khoai iơh rmơh. Behơ̆ tàng Añ rơp lơh ală phan hơ̆ gơlik gơs dô nơm phan ƀơ̆ ƀơl bol khai in!

Sră Age 2:9

‘Bơta gơklŏ hìu do dê rơp dờng rlau mơ bơta gơklŏ hìu yau dê.’ Yàng Jehôwa Gơnap Gơnoar Dờng Làm Jơh đơs behơ̆. ‘Mơ tòm tiah do Añ rơp ai bơta pas gơs lơngap lơngai,’ Yàng Jehôwa Gơnap Gơnoar Dờng Làm Jơh đơs behơ̆.”