Sră Age 1:8 - Sră Goh 2018

⁸ Guh tĕ hơđang ală mơnơm mơ cèng brê mpàn nàng bơt bơtào hìu do, tồ lơh Añ in niam nùs bơh bơta hơ̆ mơ geh jòng ro,’ Yàng Jehôwa đơs behơ̆.

Sră Age 1:8 ပူးပေါင်းရင်းမြစ်များ

I Ală Bơtau 6:1

Tòm nam dơ̆ poan rhiang phàm jơt tơnơ̆ mơ tŭ làng bol Israel neh lik bơh di lơgar Ejiptơ, tòm nam dơ̆ poan rài at bồ Salômôn dê hơđang Israel, tòm kơnhai Jip la kơnhai bàr, khai sơntòm bơt bơtào hìu duh khoai Yàng Jehôwa dê.

I Ală Bơtau 9:3

Yàng Jehôwa đơs mơ khai lah: “Añ neh iat jơnau hòi dan rac dan mê dê di đap Añ; Añ neh ơn is sàng goh hìu duh khoai do mơ mê neh bơt, mơ ơn sơnđan Añ tềng hơ̆ sùm sùm; mat mơ nùs Añ jê rơp ơm tềng hơ̆ sùm sùm.

I Yal Yau 22:19

Tŭ do, ơn tĕ nùs nhơm mơ hwềng soàn bol mê dê nàng jòi jat Jehôwa Yàng Tom Trồ bol mê dê. Lòt tĕ bơt hìu sàng goh Jehôwa Yàng Tom Trồ dê, tồ Đài Ho Bal Yàng Jehôwa dê mơ ală phan sàng goh Yàng Tom Trồ dê geh cèng tơmut tòm dô nơm hìu neh bơt sơnđan Yàng Jehôwa in.”

II Yal Yau 7:16

Bơh tŭ do añ neh sac rwah mơ ơn is sàng goh hìu duh khoai do tồ Sơnđan Añ rơp ơm tềng hơ̆ sùm sùm. Mat Añ mơ nùs Añ rơp ơm sùm sùm tềng hơ̆.

Ejra 3:7

Gen bol khai ai jền priă ală cau chài bơt lŭ mơ ală cau chài lơh chi, mơ ai ală phan sa phan ñô, mơ mơñà làng bol Sidôn mơ Tirơ in nàng bol khai jat gùng dàlềng mơ cèng nho rề bơh Liban tus hơ Jôppa, jat gơnoar Sirus bơtau Persia neh ai bol khai in.

Ejra 6:4

gơs pe sèng lŭ dờng mơ dô sèng mpàn, lòi tĕ khà jền priă tơm rơp geh tă bơh tòm đam jàr bơtau dê

Lik Ejiptơ 29:43

kung tềng hơ̆ Añ rơp tìp mat mơ làng bol Israel, mơ tiah do rơp ơn is lơh gơs sàng goh bơh bơta gơklŏ Añ jê.

Esai 60:13

Bơta gơklŏ Liban dê rơp tus hơ mê, chi nho, chi pơnggŏ, bal mơ tòm cha rơp bơka hàng mơnĕ tiah sàng goh Añ jê; mơ Añ rơp lơh gơklŏ tiah kơrnòl ơn jơng Añ jê.

Esai 60:7

Jơh ală mpồl phan poan jơng bơh Kedar rơp geh tơrgòm wơl tus hơ mê, ală belàt dam Nebayôt dê rơp lơh gơs phan duh broă mê in; bol gơ rơp geh dòp lơh gơs phan ơn hơđang cơnòng duh khoai Añ jê, mơ Añ rơp lơh gơklŏ hìu duh khoai gơklŏ Añ jê.

Esai 66:11

Bơh bol mê rơp pô toh mơ geh hòm lai, mơ geh pơndòm pơniang bơh dà toh gơ dê; bol mê rơp hùc hòm ngan mơ chò hòp bơh bơta tơngkah tơngkañ gơ dê.

Sră Age 1:7

Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì ală gùng dà bol mê dê.

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Sră Age 2:9

‘Bơta gơklŏ hìu do dê rơp dờng rlau mơ bơta gơklŏ hìu yau dê.’ Yàng Jehôwa Gơnap Gơnoar Dờng Làm Jơh đơs behơ̆. ‘Mơ tòm tiah do Añ rơp ai bơta pas gơs lơngap lơngai,’ Yàng Jehôwa Gơnap Gơnoar Dờng Làm Jơh đơs behơ̆.”