Sră Age 1:6 - Sră Goh 2018

⁶ Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Sră Age 1:6 ပူးပေါင်းရင်းမြစ်များ

II Samuel 21:1

Tŭ hơ̆ gơs dô bơta jơgloh rung tòm pe sơnam tòm rài Dabit dê, bơh nam do tus nam ne; mơ Dabit hòi lùp Yàng Jehôwa. Yàng Jehôwa đơs lah: “Hơ̆ la bơh glài lơh gơtuh mhàm Sol mơ hìu nhă khai dê, tài bơh khai neh tơnchơt cau Gabaôn.”

I Ală Bơtau 17:12

Mơya cau ùr ho lah: “Añ sơnio bơta kis Jehôwa Yàng Tom Trồ ồng dê mơ srat să lah, añ ò gơs piang lă, mìng dô sơmbat kơmbuh phe tòm yang mơ dô êt mơñà tòm gri lơm; tŭ do añ dòñ dô êt lòng, gen añ rê hìu rcang piang lă añ mơ kòn klau añ; bol hi sa rau, gen chơt.”

Nehemi 5:2

Bơh gơs cau đơs lah: “Bol hi mơ kòn klau mơ kòn ùr bol hi dê la gal ngan, bol hi pal gơs kòi, nàng bol hi in sa mơ kis.”

Sră Jop 20:22

Tòm tŭ geh tơngkah tơngkañ, bol khai rơp kong bơta jê sồt bòl glar; Jơh ală bơta dồn sa rƀah rơp dùh hơđang bol khai.

Sră Jop 20:28

Phan mơna hìu bol khai dê rơp kòl cèng pơrdô jơh, kòl pơrdô roh thit tòm ngai gơjrañ dờng Yàng Tom Trồ dê.

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Jơnau Pơnđik 11:24

Gơs cau rsìh phan mơna he dê, sơlo gơlik pas sơm; Kung gơs cau sềt pơniă kong bơta siơ̆u siar lơm.

Esai 5:10

Dô nơm suơn ño jơt lồ, mìng pat geh dô thùng tơrnòm ño; dô ôme gar sih; mìng toès geh dô epha kòi.”

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Jeremi 14:4

Tài bơh ù neh dàng jơh, Tài bơh ò gơs mìu dùh tòm lơgar, Cau troă lơòr rngòt rngơt; bol khai gòm bồ wơl.

Jeremi 44:18

Mơya, bơh tŭ bol hi ơm ò chu kơlhô mơ ơn phan ơn ưnngài yàng ùr hơđang trồ, gen bol hi siơ̆u siar ală bơta, mơ kong tơnroh bơh pềs tà jơgloh rung.

Sră Ôse 4:10

Bol khai rơp sa mơya ò hòm, bol khai lơh dri tơlàr mơya ò tơnggơs bơtơl, tài bơh bol khai neh sang lòi Yàng Jehôwa, ting jat ală yàng ndai.

Sră Ôse 8:7

Bol khai neh sih càl mơ rơp toès rbut dờng. Kòi bol khai dê ò hòn niam; gơ rơp ò gơlik gar. Dilah gơ gơlik gar, gen cau làng bol bơdìh rơp sa loan jơh.

Lebi 26:20

Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Sră Age 1:10

Gen tàng, tài bơh bol mê, trồ neh krơ̆ wơl dà tŭ, mơ ù prap lòi wơl plai đo gơ dê.

Sră Age 1:5

Gen tàng tŭ do, Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì bơh ală gùng dà bol mê dê.

Sră Age 1:7

Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì ală gùng dà bol mê dê.

Sră Age 1:9

‘Bol mê kơp kòñ oă, mơya sền do, bol mê mìng geh dô êt. Ñchi bơta bol mê cèng tơmut tòm hìu gen Añ khồm roh thit. Ñchi bơh tài behơ̆ taih?’ Yàng Jehôwa Gơnap Gơnoar Dờng Làm Jơh đơs lah: ‘Hơ̆ la tài bơh hìu Añ gam sang lòi tơrlah tơrling, tòm tŭ kòp nă bol mê giga bơt hìu is he dê.

Sră Age 2:16

gen ală bơta gơlik gơs mbe lơi? Tòm tŭ dô nă cau tus di dô lŏ sre pal toès geh bàr jơt sah, mơya geh mìng jơt sah. Tòm tŭ dô nă cau tus di tiah pat tơrnòm ño nàng ai pram jơt yang, mơya gơs mìng bàr jơt yang lơm.

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Sacari 8:10

Lài mơ tŭ hơ̆ gen ò gơs jền tơngai cau in hala phan poan jơng in, hala kung ò gơs bơta ring lơngai lơi ală cau lik hala mut in bơh di ală cau sò tơm, mơ Añ neh lơh bol khai in kòp nă tòmdră wơl mơ cau ndai.

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Yal Wơl 28:17

Bài ơn kơmbuh phe mơ kơnac kơmbuh phe bol mê dê rơp kong srat sơntơm.