Sôphôni 3:6 - Sră Goh 2018

⁶ Añ neh tơnroh ală làng bol, ală theng kơ̆ cê bol khai dê neh kòl tơnroh. Añ neh lòi ală gùng bol khai dê ngềt ngơt, gen tàng ò gơs cau lơi lòt tềng hơ̆. Ală ƀòn dờng bol khai dê neh kong tơnroh; ò gơs làng bol, ò gơs cau ơm.

Sôphôni 3:6 ပူးပေါင်းရင်းမြစ်များ

Esai 14:26

Do la bơta rơndap neh lơh nền jơh lơgar dunnia in; do la tê pò tơlik hơđang jơh ală làng bol.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Sôphôni 2:5

Bòl glar ngan làng bol in ơm di gah dàlềng, hơ̆ la làng bol Keret! Ơ Kanaan, ù tiah làng bol Philistin; Gơs jơnau Yàng Jehôwa tòmdră mơ mê, “mơ Añ rơp tơnroh mê jơl tus ò gam dô nă cau lơi.”

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Mathiơ 23:38

Do, hìu bol mê rơp gơkòl lòi srau gòi.

I Kôrintô 10:11

Mơ tai, ală bơta hơ̆ neh gơtơntus bol khai in nàng lơh krơh, mơ neh cih nàng bơto tơngkah bol he, la cau ơm tòm rài lồi dut.

I Kôrintô 10:6

Mơ tai, ală bơta hơ̆ lơh krơh bol he in, nàng bol he in bañ hàm kòñ is ală bơta iơh be bol khai neh hàm kòñ.

Jôsue 23:4

Añ neh jào bol mê in pơnah sre brê jơi bơtiàn bol mê in jơh ală lơgar gam wơl, bal mơ ală lơgar añ neh tòmpìt ai bơh di hiòng Jordan tus hơ Dàlềng Dờng đah mattơngai mut.