Sôphôni 3:5 - Sră Goh 2018

⁵ Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Sôphôni 3:5 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 34:10

Gen tàng, iat tĕ añ ơ ală cau gơs bơta git wă, Yàng Tom Trồ ò gơs tŭ lơi lơh bơta iơh, Bơtau Gơnap Gơnoar Làm Jơh ò gơs tŭ lơi lơh tìs,

Sră Jop 7:18

còp khai kòp àng drim, mơ lòng khai kòp tŭ kòp jơ taih?

Sră Jop 8:3

Yàng Tom Trồ lơh tìs bơta song ring ơ? Hala Bơtau Gơnap Gơnoar Làm Jơh ò lơh dimơ bơta song ring ơ?

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Đơs Crih 37:6

Kơnràñ rơp ràng tơlik bơta ò gơs glài mê dê loh làng be bơta àng, Mơ ràng tơlik bơta song ngan mê dê be bơta àng tòm gùl ngai.

Đơs Crih 92:15

Tồ yal tơlik Yàng Jehôwa la song ngan; Kơnràñ la pơnai lŭ añ jê, tòm Kơnràñ ò gơs bơta ò song ring lơi.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 28:19

Kòp dơ̆ bơta rung rài lòt gan gơ rơp cèng pơrdô bol mê; àng drim do tus àng drim ne, tòm trồ ngai mơ tòm trồ mang, bơta rung rài gơ rơp lòt gan. Mìng bơta rngòt rngơt rgơi lơh bol mê in git wă jơnau bơto sồr do.

Esai 33:2

Ơ Yàng Jehôwa, dan nđàc sơngit di bol hi; bol hi kơp gơn Yàng; dan ai bơta pràn kơldang bol hi in kòp àng drim, bơta dong klàs bol hi in tòm tŭ bòl glar!

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ñìm Rac 3:23

Kòp àng drim la pa sùm, bơta dòn song Kơnràñ dê la dờng ngan.

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sră Ôse 6:5

Behơ̆ tàng Añ neh ngui ală cau gơnoar hwơr Añ jê kơl bol mê, Añ neh tơnchơt bol mê bơh jơnau đơs bơr Añ jê; ală bơta cahrña Añ jê rơp lik be bơta àng;

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Habakuk 1:3

Ñchi Kơnràñ lòi añ in sền gŏ bơta lơh tìs, mơ lòi añ sền di bơta bòl glar tai taih? Bơta phà tơnroh mơ bơta rhung rhang ơm di đap añ; bơta tòmpìt tòmhà mơ tòm pơndang bal gơtơngguh.

Sôphôni 2:1

Ơ làng bol ò git ƀàssìl ƀàsso, pơjum bal tĕ, pơjum bal tĕ,

Sôphôni 3:13

Ală cau gam wơl Israel dê rơp ò lơh bơta tìs, bol khai rơp ò đơs blac, bơta blac pơrlồm jòi ò bàn tòm bơr bol khai dê. Bol khai rơp sa mơ bic rlô, mơ ò gơs cau lơi lơh bol khai in rngòt rngơt.”

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Luka 12:2

Ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò rgơi git.

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 3:26

Mơya tŭ do Kơnràñ kung neh ràng tơlik să tòm Kơnràñ la bơta song ring, mơ kòp la song ring cau lơi in dòn di Yàng Jesu.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Yal Wơl 23:14

Bơh Jehôwa Yàng Tom Trồ bol mê dê lòt digùl tiah sơntơp sàl ơm bol mê dê nàng sền gàr bol mê mơ jào phi ală cau sò tơm bol mê dê bol mê in. Tiah sơntơp sàl ơm bol mê dê pal gơs sàng goh tồ Kơnràñ ò gŏ phan lơi ò goh digùl bol mê mơ pơrlac bơh di bol mê.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.