Sôphôni 3:4 - Sră Goh 2018

⁴ Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Sôphôni 3:4 ပူးပေါင်းရင်းမြစ်များ

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 34:19

ngan Añ rơp phi ală kwang at bồ Juda mơ ală kwang at bồ Jerusalem, kwang kơndời, cau gơnoar ơn phan duh khoai, mơ jơh ală cau ơm tòm lơgar neh lòt gan digùl bàr pơnah kơnrồ kòn;

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Ejekiel 22:6

Sền tĕ: mbe kòp nă ală cau kwang at bồ Israel dê ơm tòm ai ngui gơnoar khai dê nàng lơh gơtuh mhàm.

Ejekiel 44:23

Bol khai pal bơto làng bol Añ jê git bơta krơi is digùl bơta sàng goh mơ bơta òs, mơ sơnio bol khai in git mbe cah is digùl bơta sàng goh mơ bơta ò sàng goh.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Malaci 2:8

Mơya, bol mê neh pleh lik bơh di gùng, jơnau bơto sồr bol mê dê neh lơh oă cau in gơtup pừ; bol mê neh lơh gơltac sang bơta ho bal Lebi dê,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

II Kôrintô 11:13

Bơh ală cau hơ̆ la cau gơnoar bơto ma blac, la cau lơh broă pơrlồm, lơh tànggơ be cau gơnoar bơto dờng Bơtau Krist.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Ală Kwang Cahrña 9:4

Bol khai ai khai in poh jơt sieklơ priă bơh di hìu duh khoai Baal Berit, Abimelek ai priă hơ̆ ơpah cau gơlềng gơlàng lòt jat khai.

I Samuel 2:22

Tŭ hơ̆ Heli neh kra ngan, khai neh kơno jơh ală bơta ală kòn klau khai dê lơh di jơh làng bol Israel, mơ mbe bol khai bic mơ ală cau ùr duh broă di mpồng mut hơ Sàl Tòm Mat.