Sôphôni 3:3 - Sră Goh 2018

³ Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Sôphôni 3:3 ပူးပေါင်းရင်းမြစ်များ

Jơnau Pơnđik 28:15

Dô nă cau bơtau iơh bơsak at bồ làng bol rƀah, ò gơkrơi be klìu triă ơluh ơhùm, mơ jơgơu ting jat phan kup geh.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 23:11

Yàng Jehôwa đơs: “Bơh cau gơnoar hwơr mơ cau gơnoar ơn phan duh khoai ò duh rngòt, Tian gơs Añ gŏ bơta iơh bơsak bol khai dê tòm hìu Añ;

Jeremi 34:19

ngan Añ rơp phi ală kwang at bồ Juda mơ ală kwang at bồ Jerusalem, kwang kơndời, cau gơnoar ơn phan duh khoai, mơ jơh ală cau ơm tòm lơgar neh lòt gan digùl bàr pơnah kơnrồ kòn;

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Ejekiel 22:6

Sền tĕ: mbe kòp nă ală cau kwang at bồ Israel dê ơm tòm ai ngui gơnoar khai dê nàng lơh gơtuh mhàm.

Ejekiel 33:26

Bol mê kơnòm di đào bol mê dê, bol mê lơh ală bơta ƀơ̆ iơh, mơ kòp nă tòm bol mê lơh ƀơ̆ ƀơl bau ùr cau gơp ƀòn he dê; behơ̆ gen bol mê rơp dòp geh lơgar sơl ơ?’

Habakuk 1:8

Ală ơseh bol khai dê ntoat mhar rlau mơ klìu sơmañ, rhung rhang rlau mơ so rhau tòm trồ mang. Mpồl ling hào ơseh bol khai dê ràn tus, ală cau ling hào ơseh bol khai dê tus bơh di tiah ngài; bol khai par kung be klàng bung srà mhar nàng sa loan.